《天龍八部之喬峰傳》｜王君馨冇機會拍打戲感可惜 望開新戲有份打 甄子丹：你估我係李嘉誠咩？唔係話拍親我嘅戲就個個都打

由甄子丹監製、導演、及主演的金庸作品改編電影《天龍八部之喬峰傳》昨晚（16日）於灣仔會展舉行慈善首映禮。在戲中飾演「馬夫人」的王君馨（Grace）接受採訪時，表示自己是唯一一位冇機會拍打戲的演員，只能演文戲，這令她感到可惜，期望以後還有機會和丹爺合作，在大銀幕上顯身手。

甄子丹回應傳媒時就表示：「咁佢個角色唔需要打，都唔係話拍親甄子丹嘅戲就個個都要打㗎，變係睇返個人物囉。（佢有擺過打片上網俾！）佢都畀我睇過佢啲片嘅，我覺得始終有少少唔同（佢未到喉？）又唔係嘅，佢已經好好㗎喇，好好身手，不過好可惜呢個角色冇空間畀佢發揮，希望下次啦。（下次開一部專打嘅戲畀佢？）咁都要睇老細㗎，唔係話我開就得，你估我係李嘉誠咩？」▲甄子丹飾演喬峯

《天龍八部之喬峰傳》將於1月19日在港上映。


資料&圖片來源：IG@sakra_themovie、綜合媒體報導