周柏豪回應FB用簡體字出Po遭抨擊 ：唔會驚負評而拒絕Po我覺得啱嘅嘢

已與TVB Music Group完結歷時6年半的合約，周柏豪（Pakho）近來專注在內地發展，早前參演大陸綜藝《披荊斬棘2》之餘，還聯同陳小春、張智霖、謝天華、林曉峰、吳卓羲等人拍攝《大灣仔的夜2》，成為「大灣仔」一員。


不過，上月Pakho在FB曬女兒照片時，用上簡體字發文而惹來網民抨擊，被斥：「點解要簡體字？」、「其實喺FB用簡體字真係好諷刺」等。昨日（22日）Pakho接受媒體採訪時就事件作出回應：「我Po節目嘅嘢 ，個節目係內地嘅綜藝節目嚟，咁係For內地嘅朋友... ...因為我睇返我自己Facebook嘅觀眾層，係星馬嗰邊多好多，咁星馬係用簡體字，係一個通行嘅文字，所以都會用返佢哋睇得舒服啲嘅字嚟同佢哋溝通。工作啦，做返自己應該要做嘅嘢。」
被問到會否感到無辜，Pakho就表示：「咁我又唔會話覺得無辜，因為我身為一個藝人係可以畀人去評論。（會唔會覺得有壓力令你唔敢Po嘢？）」都冇乜大嘅影響，因為有時啲嘢都唔係我自己Po嘅。我自己Po嘢時，我當然會自我審查Po嘅嘢正唔正確，但就唔會話驚有好多負面嘅評論，而要拒絕Po一樣我覺得啱嘅嘢囉。」
資料&圖片來源：IG@punkhippie