阿儀新歌MV一日破30萬觀看 MastaMic轟：畀心機做音樂把X咩

被稱為「亞視一姐」的薛影儀（阿儀）日前（5日）推出首支個人單曲MV《一加一等於阿儀》，現時已累積逾60萬觀看次數、1.6萬讚好及2千2百則留言，成績不俗，網民直呼期待阿儀會有登上紅館的一天。

不過，比起音樂，網友其實更喜愛阿儀木訥的形象，而香港男饒舌歌手MastaMic（馬米）就不滿這種「惡趣味」、「嘩眾取寵」的樂壇風氣，在FB發文轟：「啱啱睇完阿儀個MV，咁樣一日三十幾萬，忍唔住諗喺呢個流量嘅年代其實咁畀心機做音樂把L咩」。
▲馬米自2005年出道，其經典歌曲《破地獄》在YouTube就有逾130萬觀看次數。

馬米因這則發言而被指是妒嫉阿儀，馬米就解釋：「其實大家可以冷靜啲，我睇得好化，我亦無同任何人比較，喺呢行都有一段日子，相同嘅事由以前嘅《媽媽今天不要擔心我》到《SUGAR BABY》到今日，同類事只會不停發生，佢唔會係第一個，亦都唔會係最後一個，都已經見怪不怪，只係近排有好多新嘅做得好嘅音樂人問我，究竟點樣可以喺宣傳上令到多啲人知，講真我都真係唔識，到我望一望個落差，有感而發啫。」

他明白點擊數多不代表音樂好，可惜市場就是如此運作，沒有流量就好難「搵飯食」：「古怪嘅嘢你哋會好奇心想睇，我明，但當你哋聽到好嘅嘢，都不防畀個Like留個言分享埋畀你朋友，唔係要變到好誇張，只係平衡返少少，大家都有飯開咁就好，就係咁。」

資料&圖片來源：FB@MastaMic