（有片）【巴士MMA】不滿口罩翁咳嗽 2婦1漢 vs 老翁 拳捶兼出動拐杖！
網上瘋傳片段，可見在巴士下層最後一排，一名老翁遭3名人圍擊，期間長髮女子出拳捶打老翁，在旁白髮男則用手抓住老翁左腿企圖壓制對方，而坐倒頭位的女士更突然拿起拐杖襲擊老翁，其他乘客出聲勸阻無果，只好呼叫車長協助。遽聞3乘客因不滿老翁咳嗽而大打出手，但片段可見4人均有配戴口罩。
有網民事後在網上描述當時情況（但故事疑似有多個版本）：
資料&圖片來源：FB@香港突發事故報料區
有網民事後在網上描述當時情況（但故事疑似有多個版本）：
引用事源係咁嘅，我今日大約1:40左右喺愉景新城巴士站坐E31入東涌（XR1491）喺入到青衣之前，坐逃生門隔籬嗰個阿伯咳咗兩聲（當時阿伯有戴口罩），阿伯咳咗兩聲之後，隔嚟灰衫長髮女人特登好大聲咁咳咗幾聲，然後隔嚟藍衫白髮男人就好似玩咁樣特登除口罩望住阿伯方向咳兩聲，然後個女人就望住阿伯話「我都識咳」，阿伯笑笑口話「我都識」。
當時佢哋開始口角，女人亦開始講粗口，我擔心佢哋有咩衝突所以即刻調咗位，然後拐杖阿婆（片中坐灰衫女人對面倒頭位）就由前座行咗過嚟坐低，唔知因乜事加入戰團，然後我一見拐杖阿婆拎起拐杖襲擊阿伯，就開始拍片啦灰衫長髮女人同拐杖阿婆瘋狂超狼死咁襲擊阿伯，阿伯比佢哋打到帽、太陽眼鏡、鞋都飛埋出嚟，阿婆仲係咁攞支柺杖打阿伯同插阿伯，阿伯全程處於下風齋擋冇還手，個白髮藍衫男人唔知做乜嘢係咁捉住阿伯隻腳，得阿伯俾個女人同阿婆係咁打，佢哋有冇諗過咁樣打法，萬一阿伯落車之後因為腦積血死咗，佢哋咁樣係謀殺？
當時已經即刻有人嗌司機，司機亦即時停埋一邊過嚟了解，司機有話佢哋如果再嘈嘅話就要落車同埋報警，而同時要求佢哋分開坐，但灰衫長髮女人依然發癲咁繼續鬧。最後，阿伯一直瞌埋眼，直至我落車嗰陣諗咗一諗，我都有啲擔心阿伯，因為個女人坐咗去第二個位之後，阿伯一直都係合埋眼，於是我行返去前門嗰度敲門，同司機講叫佢睇一睇阿伯同Report比公司，因為阿伯一直瞌埋眼我都擔心佢有咩事，同司機講完我就離開咗啦。
**全車人都有叫司機，全車人都有叫停手，全車人都有喝止，如果我行埋過去就會變毆鬥，唔係拍片者不救，係不能救。
資料&圖片來源：FB@香港突發事故報料區