曾志偉回應《中年好聲音》賽果爭議：永遠唔存在造馬，邊個贏對我哋都冇影響

TVB《中年好聲音登峯之戰》日前圓滿結束，周吉佩（吉吉）以115分奪冠，賽果卻惹來爭議，部分觀眾認為是「造馬」，揚言「罷睇TVB」。無綫電視總經理（節目內容營運）曾志偉近日現身慈善高爾夫比賽時，就在訪問中為造馬風波解畫，指《中年好聲音》賽果絕對公正。

他表示：「我都諗唔到吉吉會攞獎，永遠唔會存在造馬呢樣嘢㗎，因為邊個贏對我哋嚟講都冇影響。有啲人話：『你哋係咪想捧紅個後生啲嘅？』你問我，我更想捧紅大強（71歲最年長參賽者）啦，咁樣更加鼓勵更多人報名參加第二屆吖嘛。」

曾志偉還透露，決賽當晚吉吉在家庭觀眾投票一環獲得滿分，而觀眾投票亦不存在造馬，因為數據經過核數師審查，希望可以釋除觀眾疑慮。
雖然首屆賽果惹來爭議，但曾志偉指新一季的參加者非常踴躍，相信大家看過節目後更理解賽制，水準有望比元祖第一屆更高。

資料&圖片來源：東張+