雯雯爆搬屋經歷如「坐過山車」 業主臨時唔出租、三子同時發高燒

張致恆（Steven）自2019年與粉絲雯雯（區燕雯）奉子成婚後，因經濟狀況多次鬧不和，家中有3兒3狗，三餐溫飽都成問題。早前雯雯表示正單方面計畫離婚，近日已搬屋與Steven分居。不過，搬屋過程中雯雯經歷一波三折，才順利安頓下來，她在IG發文透露心聲。

雯雯指：「呢個幾星期，經歷嘅就好似坐過山車咁。租咗屋簽哂約，大搬個日，已經搬哂嘢過去，當晚同我講唔租比我。」當晚雯雯三個囝囝還同時發高燒，她臨急臨忙租住新地方，幸好新業主非常友善，新家環境舒適。

處理好住處，雯雯隨即帶囝囝到急症室求診，但囝囝們病情沒有好轉，最終連雯雯都突然大病起來。不過，雯雯保持正面，相信新家會帶來好運，只要努力捱過這關，一家都會迎來幸福。她感激身邊人的熱心協助：「真心好多謝出心出力幫助同陪伴係我哋身邊嘅人，如果唔係當晚連埋所有屋企嘅嘢同埋狗仔都唔知可以去邊。每發生一件事，都會成長同上一課，包括今次咁大件事，我對好多事情都有唔同嘅睇法同成長。」
▲雯雯上周在IG發布限時動態求助，希望有網友能幫忙搬屋。

有網民留言鼓勵雯雯，指：「真心覺得你勁！一個女人仔面對咁多事，又創業、搬屋、湊三個小朋友同埋狗仔… ...你要加油，期待將來你同小朋友都有好嘅生活。你都要小心身體，預祝你母親節快樂。」
資料&圖片來源：ugly__mama