與吳若希觀點大不同 素海霖就微辣事件發表評論：網民睇到嘅嘢就係證據

微辣前經理人阿晶輕生一事大受關注，連日來微辣藝人IG下引來大批網民湧入留言問責，作為阿晶前男友的加蔥昨晚（27日）開直播宣布退出微辣，並向觀眾、阿晶及受影響同事道歉。星夢歌手吳若希留意到事件並轉發相關報導，她直言：「Haters永遠都管唔到，而家再睇下微辣班人下面啲留言，何嘗唔係網絡暴力？」她認為指責微辣藝人的觀眾同樣是在網絡霸凌他人。而港產AV女優素海霖則持不同意見，她就微辣事件發文公開個人看法，以8個重點表達己見。

素海霖首先願逝者安息，指阿晶是用生命作出最大力控訴，雖然社會民眾與事件沒有牽連，但作為網民和曾經的微辣觀眾，她認為大家有權利向微辣表達意見。她提到 ：「係㗎喇，因為呢度唔係法庭，好多嘢唔使講證據，網民睇到嘅嘢就係證據」。素海霖表明不會繼續支持微辣，《微辣十周年聯歡晚會》延期多久她都絕對不會觀看。

引用思前想後，想「公開」發表一些個人睇法。

1. RIP

2. 一個人臨走前用最後嘅力量發出地圖炮，而呢一支地圖炮係貫注了熱血+魂+必中+奇跡⋯⋯同埋逝者嘅生命⋯

3. 我嘅睇法係男女感情糾紛、職場欺凌、網絡欺凌都有一定嘅衡量比重導致呢次悲劇的發生。

4. 所以其實這裏至少有一個人很難把責任推搪，因為事情嘅開端（情緒病），患者已經講到明係因為呢件事開始出現。

5. 係㗎喇，因為呢度唔係法庭，好多嘢唔使講證據，網民睇到嘅嘢就係證據，所以我認為冇足夠嘅詭辯能力嘅人（例如：Toyz)，保持沉默係比較適合。

6. 點解我要講？因為我喺呢個社區入面其中一個身份係網民，乜呢啲唔係貴機構需要嘅流量咩？

7. 其實兩日前我都已經睇咗好多messages，喺呢度都要公開譴責一下，乜嘢食兩排唔會有事嗰啲，人渣嚟㗎。

8. 無論延期到邊日，我都唔會得閒睇。Good Show~