阿泰宣布退出微辣及網絡 對網民喊話：你班網絡判官係「聲討」定係「網暴」

微辣前經理人阿晶輕生事件繼續發酵，阿晶前男友加蔥日前開直播宣布退出微辣，此後多名微辣藝人在IG刪去微辣相關資訊疑似割蓆。阿泰（高維泰）昨日（30日）也表明離開微辣，同時宣布退出其他社交媒體：「由今日起IG、YouTube再無阿泰呢個人，我唔需要阿泰呢個名東山再起，我受夠呢度一切。」
▲阿泰現時被稱為「加蔥頭馬」

事實上，阿泰於2周前已從公司離職，他提到：「入咗微辣3年，感謝一切對我有照顧嘅同事，感恩有一齊共事，呢一切都唔容易，雖然唔係事事如意，但我都無後悔3年前，轉行入微辣呢個嘗試，祝微辣十周年快樂。」現時阿泰第2度宣布退出微辣，舉動令人困惑，不過他一反早前所說的話，表示自己其實後悔加入這個圈子：「如果時間可以重來，我會選擇冇入過微辣，冇掂過網絡呢行。」
他透露自己因公司文化而情緒爆發：「我冇料玩落去，七情六慾放上面，有咩講咩嘅人真係唔適合玩呢個圈，毀三關既野日日發生，早半年起我情緒都日日爆發邊緣，呢兩個月朋友陸續開始叫我睇病，驚我會變咗下一個Jane。呢個唔係一個兢兢業業嘅工作，一切都係講命，我後悔點解唔早啲傾解約。」

阿泰再將矛頭指向網民，指阿晶死後，身邊朋友受盡言語攻擊：「你哋真係認為所有人都抵死？口口聲聲留言話知道真相嘅人，我問吓你哋估吓邊個畀人鬧得最犀利嘅？仲係Jane生前既密友？可能真係有人抵死，但我諗唔係全部掛。」他續說：「最好笑係乜嘢，你哋嘅所謂正義，只會先死一班打份牛工養家嘅人，再死一班三觀正確嘅人。」

日前「阿妹」思男曾開直播澄清自己沒有霸凌阿晶，當時阿泰不斷留言勸思男停止直播，原因是他不希望網民再有機會逼死多位成員。他現時發聲向網民「宣戰」：「呢個時候出聲實畀人X，預咗，要X就X，公司唔頂我頂。你班網絡判官，我家下開放返留言，任砌唔嬲，畀多個獎勵你哋，上面詳細我寫埋落遺書度，X得死嘅有獎公開，義正嚴辭留言自以為正義嘅人等下，到時再重新審視下，係「聲討」定係「網暴」吧，法官們。」
▲阿泰後來發再布限時動態「報平安」

資料&圖片來源：IG@witness_k