馬蹄露哽咽讚「祖國好鍚香港人」 憶起殖民時期：西人形容我哋狗都不如

藝人馬蹄露近日她獲邀接受內地電台節目《麗人麗語》訪問時，哽咽談到愛國之情，大讚：「祖國一路都好鍚我哋香港人」！

於殖民時期出生的馬蹄露表示：「我覺得以前嘅香港，好多時畀西人歧視。真係有啲比較高級嘅會所，裡面係寫住『華人與狗不得進入』，佢形容我哋狗都不如。」她指出當時香港是在不平等條約下被英國「殖民管治」，回歸才真正讓香港回到媽媽（祖國）身邊。

馬蹄露又憶起：「以前制水，我哋冇水飲，東江水用咗十幾年時間，去完善東江水輸水管道，去供水畀香港人。有啲人就反駁，話：『喂！唔使畀錢㗎？』我就話：『收錢？英國佬就收錢啦！你估佢哋真係對我哋咁好呀？佢只不過係誤打誤撞，睇中咗我哋個港口可以連接去印度通商！』」她認為香港的經濟起飛，全靠祖先拼搏得來，而非英國殖民統治帶來好處：「唔係佢哋成就我哋，係我哋成就咗佢！你睇吓佢哋殖民嘅嗰啲國家，有邊個係比我哋香港出色吖？係因為我哋香港係中國人！」

馬蹄露哽咽表示，希望現在的香港人能多認識祖國，一同為回歸而感到開心和驕傲。中國網民非常贊同馬蹄露的看法，留言大表支持。

資料&圖片來源：微博@馬蹄露Celine