雯雯宣布結束IG收費會員制 長文爆張致恆溝女：我好失敗
張致恆（Steven）於2019年與粉絲區燕雯（雯雯）奉子成婚，二人因經濟狀況多次鬧不和，而雯雯早前驚爆自己已懷上第4胎，現時臨盤在即，雯雯無法工作，於是開設收費IG賺生活費，會員月費開價$50，幸得好心網友支持，勉強夠交租。然而，雯雯因此被嘲諷為「五十雯」，她無法承受輿論壓力，最終宣布於月底結束IG會員制。
雯雯發長文訴心聲，除了透露自己被當「小丑」而感到難過，她還投訴老公Steven沒有安守本份，沒有擔起養家責任之餘還四處「溝女」！雯雯寫道：「點解你（Steven）唔諗吓五年裏面，你有冇真真正正改變過安守本份？我喺屋企捱生捱死，大住肚照顧小朋友，你有畀任何嘅金錢我哋去食飯買奶粉尿片睇醫生？我都係靠自己，不停搵朋友，嗰段時間，我從來冇質疑過你任何嘢，我只係同自己講好快就會過，你好快就會返嚟，但係結果我換來嘅係乜嘢？你溝女對住啲女仔去數自己老婆嘅時候，你又有冇諗過我？」她心灰意冷，表示生育完會離開Steven：「我一次又一次原諒你畀機會你，甚至再一次懷孕，但係你從來冇悔疚心，只係怪我點解要公開，無可奈何，我而家冇能力，一定要人幫手，但係我相信我生完我一定會有出路，我唔需要再停留喺度... ...」
雯雯指自己公開家事只為宣洩情緒，從來沒想過要借張致恒博出位：「我從來冇諗過後果，亦都冇諗過之後會發生嘅事，我只係嗰一刻好辛苦，所以就打出嚟，而去到要做一個收費嘅平台，一來我唔想有啲黑心或者根本唔係關心自己嘅人出現喺平台，二來我就嚟要生，唔係偷唔係搶唔係犯法，我都需要諗盡辦法去找錢畀屋企交租同生活。」
不過她自認「失敗」，無法承受外界的評論及打擊：「所以過埋今個月我會取消。預先畀咗錢嘅朋友，我會退返錢畀你哋，我希望從此之後所有嘅人都可以放過我。」
資料&圖片來源：IG@ugly__mama
雯雯發長文訴心聲，除了透露自己被當「小丑」而感到難過，她還投訴老公Steven沒有安守本份，沒有擔起養家責任之餘還四處「溝女」！雯雯寫道：「點解你（Steven）唔諗吓五年裏面，你有冇真真正正改變過安守本份？我喺屋企捱生捱死，大住肚照顧小朋友，你有畀任何嘅金錢我哋去食飯買奶粉尿片睇醫生？我都係靠自己，不停搵朋友，嗰段時間，我從來冇質疑過你任何嘢，我只係同自己講好快就會過，你好快就會返嚟，但係結果我換來嘅係乜嘢？你溝女對住啲女仔去數自己老婆嘅時候，你又有冇諗過我？」她心灰意冷，表示生育完會離開Steven：「我一次又一次原諒你畀機會你，甚至再一次懷孕，但係你從來冇悔疚心，只係怪我點解要公開，無可奈何，我而家冇能力，一定要人幫手，但係我相信我生完我一定會有出路，我唔需要再停留喺度... ...」
雯雯指自己公開家事只為宣洩情緒，從來沒想過要借張致恒博出位：「我從來冇諗過後果，亦都冇諗過之後會發生嘅事，我只係嗰一刻好辛苦，所以就打出嚟，而去到要做一個收費嘅平台，一來我唔想有啲黑心或者根本唔係關心自己嘅人出現喺平台，二來我就嚟要生，唔係偷唔係搶唔係犯法，我都需要諗盡辦法去找錢畀屋企交租同生活。」
不過她自認「失敗」，無法承受外界的評論及打擊：「所以過埋今個月我會取消。預先畀咗錢嘅朋友，我會退返錢畀你哋，我希望從此之後所有嘅人都可以放過我。」
資料&圖片來源：IG@ugly__mama