《造星》細貓否認曾一腳踏兩船 模特兒前女友Kero嬲爆：若要人不知，除非己莫為

曾經參加首屆《全民造星》的細貓（應智越）上月遭模特兒前女友Kero踢爆疑似出軌，搭上舞台劇女搭檔陳伊霖後，卻反指Kero「不上進」而提出分手，Kero無法忍受被屈，於是公開事情真相，發文公開發現男方變心的過程。

細貓前日（18日）出席首映禮時回應傳媒提問，承認自己沒有處理好感情事，但強調未有一腳踏兩船，與陳伊霖只是好友，希望向受影響的人道歉，始終認為人心向善才是最緊要。

不過，Kero對細貓的回應感到不滿，隨即於IG限時動態轉載相關，並留言寫道：「本來覺得件事應該完結，大家各自有自己生活。畢竟日日諗起你點樣背叛自己，都唔係一件輕鬆嘅事。你重視事業我理解，但你要顛倒黑白我係絕對唔會罷手。我將成條時間線同所有證據放出嚟，等大家睇吓你有無講大話。」
Kero再公開與朋友的對話截圖，可見其友人向她爆料，表示於6月30日在九展睇騷後，目擊到細貓跟一名女子會合，兩人見面時更互相擁抱。Kero說道：「若要人不知，除非己莫為。歡迎記者朋友拎住呢張相去問下應先生係咪真有其事？如果佢有被屈嘅一定要開記招擊鼓鳴冤。真相係愈辯愈明，唔係你幾句語言藝術可以輕易過骨。等佢砌多兩個大話出嚟，再慢慢將條時間線延長。待續。」

資料&圖片來源：IG@kerolau、IG@mr_littlecat