MC張天賦用外賣平台叫快餐 苦等約2個小時冇外送員接單 訂單一度取消無門：一定係由台灣送嚟
歌手MC張天賦昨晚（14日）一連發布5則IG Story分享一個不太愉快的經歷，他神色凝重地拍片說道：「今日拍呢條片呢，其實就有啲唔開心嘅事情想同大家分享下。話說啱啱8點10分，我心血來潮忽然想食快餐，其實呢餐係我預計咗嘅『最後一個晚餐』，食埋呢餐Cheat meal我就會開始修身，飲食上控制一下，我懷住期待嘅心情揀晒我鐘意食嘅嘢Order完，啱啱就諗住睇下（送餐狀況）更新到去邊啦，點知佢話仲未搵到外送員，咁而家係8點54分，其實都相隔咗40分鐘㗎喇。」
▲事實上，MC非首次被外賣平台惹怒。
當時，MC打算取消訂單，怎料平台的客服暫時關閉了，MC只能在忐忑的心情之中繼續等餐。MC表示，該平台提供一個準時承諾機制，會員的訂單如果比預計時間遲15分鐘送達，即可獲得HK$25現金券作補償。不過這個機制似乎無法安慰MC：「我8點鐘落嘅Order，佢就Set咗10點鐘先至到呢個時限，過咗呢個時間係會有25蚊現金券畀我，其實我嗌個快餐都係想快，咁你Set 10點都唔緊要啦，起碼佢哋都有誠意嘅我覺得。但係你哋搵唔到速遞員，唔緊要，不如我自己去買啦，但你都畀我取消吖係咪？」
MC趁等餐的時間再作了解，發現平台客服即使在線，都不接受客戶取消訂單。MC認為不合理：「從消費者角度，你哋搵唔到外送員，唔係拒絕退款嘅理由，因為呢個並唔係我嘅責任。而且我嗌快餐，然後你哋嘅承諾時間竟然係2個鐘之後，其實即係點啫？又唔畀我取消，即係我要等2個鐘頭，食一個餐廳2個鐘頭前已準備咗嘅餐？中間我覺得係有少少漏洞，或者大家可以溝通好啲，我覺得Policy可以做得好啲囉。」
最終MC等餐等到10點，外賣無法按時送達，他獲得現金券作賠償。一肚氣的MC發布截圖，無奈表示：「我知啦！一定係由台灣送嚟，好期待呀！送唔切就畀25蚊我再叫過！好開心！P.S.個餐叫咗105蚊。」
MC的經歷引起網友關注，有網民估計MC曾為這家外送平台拍攝宣傳廣告，笑指他是「反骨仔」。
資料&圖片來源：IG@mcheung1201、LIHKG
▲事實上，MC非首次被外賣平台惹怒。
當時，MC打算取消訂單，怎料平台的客服暫時關閉了，MC只能在忐忑的心情之中繼續等餐。MC表示，該平台提供一個準時承諾機制，會員的訂單如果比預計時間遲15分鐘送達，即可獲得HK$25現金券作補償。不過這個機制似乎無法安慰MC：「我8點鐘落嘅Order，佢就Set咗10點鐘先至到呢個時限，過咗呢個時間係會有25蚊現金券畀我，其實我嗌個快餐都係想快，咁你Set 10點都唔緊要啦，起碼佢哋都有誠意嘅我覺得。但係你哋搵唔到速遞員，唔緊要，不如我自己去買啦，但你都畀我取消吖係咪？」
MC趁等餐的時間再作了解，發現平台客服即使在線，都不接受客戶取消訂單。MC認為不合理：「從消費者角度，你哋搵唔到外送員，唔係拒絕退款嘅理由，因為呢個並唔係我嘅責任。而且我嗌快餐，然後你哋嘅承諾時間竟然係2個鐘之後，其實即係點啫？又唔畀我取消，即係我要等2個鐘頭，食一個餐廳2個鐘頭前已準備咗嘅餐？中間我覺得係有少少漏洞，或者大家可以溝通好啲，我覺得Policy可以做得好啲囉。」
最終MC等餐等到10點，外賣無法按時送達，他獲得現金券作賠償。一肚氣的MC發布截圖，無奈表示：「我知啦！一定係由台灣送嚟，好期待呀！送唔切就畀25蚊我再叫過！好開心！P.S.個餐叫咗105蚊。」
MC的經歷引起網友關注，有網民估計MC曾為這家外送平台拍攝宣傳廣告，笑指他是「反骨仔」。
資料&圖片來源：IG@mcheung1201、LIHKG