洪卓立分手首度現身 體重暴升至200磅：唔係淨係增咗脂肪

洪卓立與劉沛蘅（Hillary）於月初突然宣布分手，二人稱：「我們分開了。我們因了解而分開，沒有摻雜其他的沙石，我們會繼續前進，向自己的夢想進發！我們承諾好好愛自己，互相真摯的祝福大家未來有更美好的人生。」

昨日（10日）洪卓立在將軍澳出席晚間音樂會，這是他分手後首度現身公開場合，可見其身形暴漲不少，令人震驚！不過，洪卓立解釋，自己是為了操大隻而刻意增磅，並非因失戀導致暴肥：「而家係人生嘅巔峰，啱啱好200磅！我由70幾KG升到而家91KG囉，其實唔係淨係肥嘅，唔係淨係增咗脂肪，都地獄式，希望減完出嚟唔係『鋼條』。因為我個頭好大，如果我鋼條個頭會更加大，我就想有返少少肌肉先去變瘦囉。」
▲洪卓立舊照

被問及分手後的心情，洪卓立回應：「好彩有啲嘢做，就唔諗咁多啦。（傳媒話你爛賭而分手？）我哋傾分手嘅時後都預咗係咁㗎喇，好難講咁多嘢畀大家聽，要講嘅都喺Story講咗。但話我爛賭真係估唔到，其實之前都係開心分享，我同朋友玩（賭波賭馬）中咗，就好開心啦，Po咗上網，跟住我都冇玩㗎喇，但估唔到大家就記住咗呢件事，就唔知點解會變咗做分手導火線，連我自己都唔知啦！。」洪卓立透露現時與Hillary仍有聯絡，被問到會不會有機會復合，洪卓立就笑言：「萬事皆有可能。」

資料&圖片來源：YouTube@wpw star、綜合媒體報導