AK、麻利同遊日本令緋聞再起 AK不忍反擊：男女之間只係得愛情咩？

去年MIRROR成員AK（江𤒹生）與前商台DJ麻利爆出緋聞，二人曾經在同一天上傳西貢夜空照，疑似一同慶生。後來麻利發文斥責傳媒散佈謠言，事件暫時平息。至近日，AK再與麻利等一群好友同遊日本，見證《全民造星》出身的Tank向女友方方（方芷欣）求婚，令「AK麻利戀」再度被討論！

有AK粉絲在TG群組裡留言：「會唔會個個都一對，老闆（AK）仍然單身」，有人就回應：「佢點會係單身吖，嗰個人咪同行一齊喺相入面」，暗示AK和麻利是一對。

對此，在群組內的AK忍不住回應：「同行就叫拍拖咩？Tank求婚 ，佢想佢身邊愛嘅人出席有咩問題？我同邊個做朋友亦有我自由，我做藝人唔代表你哋可以干預我嘅交友圈子。唔好自己覺得咩加個故事就當係。我忍咗好耐，一直唔出聲，唔該大家唔好咁無聊，男女之間一定只係得愛情咩？你哋要點諗我冇所謂，因為點講都有人會唔明，但我只係過自己想過嘅生活，同我嘅朋友一齊經歷每一個人生重要嘅Ｍoment。」
AK續說：「由頭到尾都係你哋自己幻想，然後仲要攻擊我朋友，我已經唔出聲。Yes，我哋係以『Family』相稱，代表我哋感情好好，有咩問題？」他表示自己跟好友的關係親密如家人，不希望這樣的情誼被誤會成戀情，強調男女之間也可以有友情，認為粉絲幻想太多，冒犯到AK和其友人。
資料&圖片來源：IG@tank_leung、網絡圖片