DJ樂宜爆「電競世界冠軍」前度渣男史 由純情男變Playboy 對方身分被估係Toyz？

30歲DJ樂宜在ViuTV最新一集《戀講嘢》大爆前男友的渣男史，指對方由純情小男孩變成Playboy。樂宜雖然沒有指名道姓，但透露對方是很出名的「前電競比賽世界冠軍」，最近曾經打過拳賽並落敗收場，不少人猜測其身分是Toyz（劉偉健）！

樂宜透露，他跟前度拍拖5年，分手也有5年之久，二人不歡而散。樂宜當初在FB加了男方做好友，認為對方有趣又主動，很快就相約見面並拍拖。首次約會男方隆重其事，穿上全白色西裝並手拿白玫瑰現身。樂宜形容對方一開始個性善良，打扮整潔又識做：「嗰陣就算我做完嘢收工，佢都會跑出嚟接我，再跑返去做嘢，佢係好隨傳隨到。嗰陣拍拖好似中學生咁，佢會安排晒節目，例如去科學館、太空館等等。」不過，大約半年後，男方的囂張性格開始現形，變得很著重物質，無論對樂宜、家人、朋友還是觀眾，都用「串」的態度應對。說到對方性情大變的契機，樂宜猜測：「我諗佢係因為睇到啲同行賺錢比佢多，所以佢覺得自己明明係冠軍，點解賺唔過其他人。於是佢將全部心機擺晒去賺錢、工作、直播，我覺得佢可以為咗賺錢而不擇手段。」
談到二人感情為何出現裂痕，樂宜透露男方將重心放在直播事業上，把觀眾和粉絲放在第一位，更尤其照顧女粉絲：「佢會私底下同女粉絲開群組，花時間同女粉絲傾計哄佢哋，但係有一樣嘢好奇怪，佢係會踩我，例如喺直播度講我壞話，話我好港女，成日上傳合照曬命之類，搞到上晒新聞畀人話我港女，跟住啲女粉絲就會覺得係我成日纏住佢哋個男神。」樂宜因此受到Haters攻擊，被罵「八婆」，令她內心崩潰，一度移除IG帳號避風頭。不過，男方又向樂宜解釋，他公開說女友壞話只是節目效果，要哄女粉絲和觀眾開心。

後來，男方的行為愈來愈過份，開始單獨跟女粉絲出街食飯，甚至問女生要不要「上車」（親熱）。樂宜發現後沒有立刻發怒，反而平靜地說出感受，希望男方不要跟女粉絲傳曖昧訊息，男方卻嬲反駁：「其實關你咩事呢？我同觀眾傾計，我觀眾緣會好啲。」另外由於男方會飛到台灣受訓，樂宜其實經常與對方於失聯，甚至被封鎖，但她年少無知，依然容忍：「一個字蠢囉，好戀愛腦，佢做咩我都會原諒。」

後來，男方有一次回港，竟然千叮萬囑樂宜不要到他家，樂宜翌日才找男方，卻被樓下的保安伯伯阻攔：「佢攔住我，甚至唔畀我搭Lift，好搞笑，我就心諗咩個保安應該係見到啲乜嘢，所以唔畀我上去。」樂宜唯有到附近超市打發時間，並發短訊給男方說保安不讓她上樓。男方15分鐘後回覆她：「無嘢呀，你上嚟啦。」樂宜去到男方家後，只見對方如常在打機，在男方出門工作後，她好奇打開男方的電腦看他的對話紀錄，揭發男方真的有跟女生傳曖昧短訊：「見到佢哋應該係上過床後嘅親蜜對話。」

樂宜後來自己回家，再傳訊息給男方提出分手，男方只回覆了：「...」，二人從此沒再連絡。

資料&圖片來源：IG@lok_lokyii、ViuTV