DJ樂宜拳賽大叫「贏咗畀你X」 霍哥Po相宣布已找數！

前微辣成員霍哥在《培生擂台：無敵盃》We Are Champs 2023中擊敗周永恆，看到霍哥在擂台上落力出拳的英姿，有份觀賽的DJ樂宜竟大叫：「霍哥，贏咗畀你揸！」由於她語出驚人，傳媒大肆報導此事，霍哥呢次唔找數都難！

昨日（7日），霍哥在IG發布與樂宜的合照宣布數已找，但他所揸的，並非大眾期待的胸部，而是樂宜的膊頭！在旁的樂宜則反手自己揸自己胸，製造錯覺，霍哥笑言：「你話係咪衰呢？亂講嘢要找數㗎啦，玩鬼手都冇用啊。傳媒朋友又係衰嘅，人哋話贏咗畀我揸！你哋就話贏咗畀我X，冇啦啦Cut咗個字做乜鬼？」
▲網友投訴

不過，霍哥沒有因樂宜亂說話而感到困擾，反而多謝女方出言製造話題，提高拳賽的關注度。樂宜這次找數也找得非常樂意，表示：「故事教我哋～ 講得出要做得到。」

資料&圖片來源：IG@jeffreyfok_224