鄭嘉穎為不和傳聞向馬國明道歉 強調：私底下拆掂咗

鄭嘉穎早前因缺席「鐵馬家族」聚會，而傳出與馬國明不和，被問到會否出席馬國明與湯洛雯在海外舉辦的婚禮時，鄭嘉穎表明不會現身，更面露不耐煩的神色，事件惹來爭議。

鄭嘉穎昨日（14日）出席活動時為事件解畫，鄭重向馬國明道歉：「今次真係唔好意思，我真係對你唔住。要麻煩你喺咁忙碌嘅時間，籌備婚禮當中，抽時間幫我出嚟解畫，你諗吓我幾唔好意思。」

他強調已私下跟馬國明約好吃飯，屆時會親手送上禮物：「傳不和之前，我哋已經傾好咗，話未必去到佢婚禮，佢亦都好諒解，知道我難處，所以之後約咗佢忙完返嚟香港，我請佢食餐飯，親手送禮物。我同佢私底下都拆掂咗啦，咁點解我出嚟仲要講咁多嘢呢？但當你唔講咁多嘢，原來就會有咁多遐想出現。今次我經一事長一智，唔好添麻煩畀別人或者我太太，我以後會留意自己講嘢唔咁好簡短，唔鍾意解釋都要解釋。」
鄭嘉穎還特地澄清，他當初沒有批評出席馬國明婚禮「嘥時間」：「小弟真係冇講過個『嘥』字，『嘥』即係浪費嘅意思，我嗰日係話我有3個小朋友，時間好有限，點用時間我都要好緊張，出埠參加婚禮真係未必應付到。」提到王賢誌發文暗寸他是雙面人，鄭嘉穎就指：「親戚同家人嘅嘢我就唔多講喇... ...內容話我係雙面人，如果我係咁叻咁識做人，我而家就唔使同大家解畫啦。由於事件牽涉到其他人，我都會檢討吓自己嘅性格。」

資料&圖片來源：TVB 娛樂新聞台