阿七吳嘉儀新婚4個月疑婚變 爆喊回應：唔想人哋覺得我係離婚KOL

現年32歲的「阿七」吳嘉儀去年於《開心無敵獎門人》擔任新長老而為人熟悉，涯足8年終於受到關注，今年8月還跟圈外男友「豬仔」Leo拉埋天窗，好事不斷。不過，本月初阿七在IG發布多則限時動態自爆婚姻不幸福，與老公經常嘈交，還試過被對方趕出家門，遭改密碼鎖令她有家歸不得！

阿七昨日（16日）現身《歡樂滿東華》時，就親自為事件解畫，期間一度落淚：「係有啲小風波嘅，兩個人放假想有啲節目，出去玩，但有啲嘢不似預期，結果唔係好開心。大家喺唔開心嘅時候講咗唔好嘅說話，結果我又唔肯妥協，佢又心情唔好，搞到個誤會愈滾愈大... ...我嗰吓覺得好無助，唔記得咗自己係一個藝人，就打Story爆發。」
阿七澄清自己不是想公審丈夫，只是覺得事情不合理，想抒發感受。現時她和老公不算面阻阻，會一起吃飯聊天，但認為有需要找專業人士幫忙疏導。

風波發生後，阿七的家人和同事都有關心她的狀況，連曾志偉也有送上問候，她感到窩心之餘也有點愧疚：「我最唔想人哋覺得我係離婚KOL，想人哋覺得我係正常人，係一個演員、主持。如果我做嘢做得唔好、戲屎或者浮誇，大家可以鬧我，但係我唔想大家見到我就諗起我婚姻唔和諧，唔想人同情我、可憐我... ...因為我覺得我依然可以好認真做嘢。」阿七表示近日接受了很多正能量的關心，大家不用擔心，她收拾好心情就會重新出發，繼續努力做好每一個工作。
資料&圖片來源：TVB 娛樂新聞台、IG@ah7ng