吳浩康認建立「好爸爸形象」有靠同張致恒做對比 但仍替好友擔憂：佢老婆唔好再搞佢啦

40歲吳浩康（Deep）以往被稱為「情場浪子」，前年與「格鬥女神」郭思琳奉子成婚，囝囝於同年9月出世，Deep榮升做爸爸後浪子回頭，密密做地盤工擔起責任養家，自此被稱為「職安真漢子」，人們對他另眼相看。

近日Deep現身伍仲衡和周國豐主持的節目《週五有周伍》受訪，當中提及同期從英皇出道的好友張致恒（Steven），伍仲衡笑言：「張致恒幫你唔少喎！」Deep也承認：「係，我出咗第三條，有個工友同我講：『喂，你再出呢啲片，你個Friend（Steven）死㗎喇喎！』」

不過，Deep自認跟Steven仍是好友，大家仍有聯絡，Deep替Steven的狀況感到擔憂。Deep直言：「佢老婆（雯雯）唔好再搞佢啦（佢老婆唔搞佢搞邊個？）唔好公開搞！匿埋搞！哈哈哈... ...畀啲空間佢搵吓食啦！（點解唔介紹佢返地盤？）咪後後話畀你知。」
Deep續指：「我自己站於朋友嘅立場，總之我價值裡面，呢個人未係我要放手、割席嘅人。當然，我係咁諗啫，其他人可能畀佢傷害得更加深，我唔係話嗰啲人錯，只係呢個我係立場囉。可能我自己都試過喺好谷底嘅時候，我發生事嘅時候，基本上呢一行好現實嘅，一下子全世界都唔夠膽癡埋嚟。咁都係一個修練，令我性格就係──發達唔會同你分身家，乞我都唔會乞到你門口，咁就夠喇，夠食夠使，最緊要做正行正業，盡力搵錢照顧到屋企人。」

被點名批評的雯雯疑似不滿並作出反擊，昨日（21日）她在IG限時動態發文稱：「我問心無愧，做自己想做嘅嘢，講自己想講嘅嘢，喺自己平台做自己。我唔需要人認同，亦唔需要批評我啱與錯。」

資料&圖片來源：YouTube@伍仲衡 Harry Ng