張致恒強調自己打緊2份工 不甘被罵：不用再介紹我工作

張致恒（Steven）與老婆區燕雯（雯雯）結婚4年已育有4子，二人多次因經濟狀況鬧不和，近日雯雯自爆其中一個囝囝患有自閉症及過度活躍症，照顧難度升級，令她身心疲累。他們兩公婆已聘請工人姐姐，但工人大概2個月後才能到家幫忙，要捱過著這段時間依然有困難，Steven於是在IG貼出支付服務平台的收款QR Code，希望好心網友能給他們金錢支援。

Steven明白這個做法不太明智，事實上也引來了許多謾罵聲，他被指不工作又「乞錢」，他只好發文強調：「其實我已經有2份工作，不用再介紹我工作。如果我冇錢係因為我唔去做嘢而畀大家鬧，我冇所謂，但我而家係因為冇人照顧小朋友，所以我出唔到個門口。」

不過，Steven承認他和雯雯沒有做好生育計畫：「一個大人照顧唔到4個咁細嘅小朋友，仲要有一個係需要特別照顧，呢個係我哋生之前唔夠成熟，冇安排好。」目前他們一家只能見步行步，而Steven認為情況已經逐漸向好，等一切安頓好，他承諾會逐一向債主還錢。他表示：「我而家唔係唔想還錢畀你哋，而係根本而家長期都係負。多謝真心幫我哋嘅人體諒我哋。」

資料&圖片來源：IG@stevencheun