陳輝陽大爆某女歌手無禮行為！ 唔唱得、唔睇詞、戙起腳食飯...網民認為最大嫌疑係「佢」？
曾兩度奪得四台聯頒作曲獎的香港殿堂級音樂人陳輝陽，近日現身廿四味主持的《24/7TALK》接受訪問，長達約1小時50分鐘的訪談中，陳輝陽分享了跟王菲、陳奕迅等人合作時的有趣經歷，但入行多年的他必然也有不愉快的合作經歷，他大爆某女歌手「唔唱得」之餘態度無禮，令他印象深刻！
陳輝陽表示：「我好鍾意講呢個故仔！唱片公司開頭叫我幫佢Produce歌嘅時候，我話都OK嘅，對方話：『佢唔係好唱得㗎咋喎』，我話我知㗎喇，我盡力啦。」然而，該歌手不單止唱功令人擔憂，連為人都嚇窒人：「我最記得，佢一入嚟錄音室第一句說話就講：『X，喺香港度錄廣東歌都冇X用嘅，我去咗台灣呀，我就唔會再返嚟錄廣東歌。』呢個係佢第一句說話，哇......」
陳輝陽感覺到對方有些情緒，但工作還是要繼續，於是快快手準備好讓歌手開始錄音。他回憶錄音的過程：「佢又好得意㗎，佢唔睇歌詞，鍾意作啲字落去。我話唔啱喎，意思唔啱！咁錄到咁上下我話不如停下先，我聽下你唱成點，佢話唔停，我要繼續唱，咁我話OK繼續唱啦。唱到中午，Engineer都要食飯，女歌手又話唔食，要繼續唱！咁我話唔緊要，我叫Engineer食飯，我幫你撳。撳到咁上下，Engineer食完飯，佢又話：『哎呀，我肚餓呀，食飯先喇』，咁就幫佢叫嘢食。」
而食飯的過程也有令陳輝陽感到驚訝的事：「我好少見到香港女仔，唔好講係咪Singer先啦，我好少見到香港女仔戙起隻腳食飯，呢個真係好神奇！呢種豪邁同好爽我係好少見到。」
最終錄音變成長時間搏鬥，女歌手始終唱不對歌詞，陳輝陽直言不想再跟她合作，而二人即使在其他活動碰面，女歌手也不會跟陳輝陽打招呼。陳輝陽默認該女歌手現在在大陸很紅，加上曾經到台灣發展、唱功不佳、性格豪邁等線索，網民熱烈猜測女歌手的身分，有人認為有機會是楊千嬅、梁詠琪或薛凱琪，但最大嫌疑暫時還是張栢芝。她與陳輝陽曾合作的作品包括《不相愛的好處》，及翻唱由他作曲、傅珮嘉原唱的《絕》。
（約51:00）
資料&圖片來源：YouTube@24HERBS
陳輝陽表示：「我好鍾意講呢個故仔！唱片公司開頭叫我幫佢Produce歌嘅時候，我話都OK嘅，對方話：『佢唔係好唱得㗎咋喎』，我話我知㗎喇，我盡力啦。」然而，該歌手不單止唱功令人擔憂，連為人都嚇窒人：「我最記得，佢一入嚟錄音室第一句說話就講：『X，喺香港度錄廣東歌都冇X用嘅，我去咗台灣呀，我就唔會再返嚟錄廣東歌。』呢個係佢第一句說話，哇......」
陳輝陽感覺到對方有些情緒，但工作還是要繼續，於是快快手準備好讓歌手開始錄音。他回憶錄音的過程：「佢又好得意㗎，佢唔睇歌詞，鍾意作啲字落去。我話唔啱喎，意思唔啱！咁錄到咁上下我話不如停下先，我聽下你唱成點，佢話唔停，我要繼續唱，咁我話OK繼續唱啦。唱到中午，Engineer都要食飯，女歌手又話唔食，要繼續唱！咁我話唔緊要，我叫Engineer食飯，我幫你撳。撳到咁上下，Engineer食完飯，佢又話：『哎呀，我肚餓呀，食飯先喇』，咁就幫佢叫嘢食。」
而食飯的過程也有令陳輝陽感到驚訝的事：「我好少見到香港女仔，唔好講係咪Singer先啦，我好少見到香港女仔戙起隻腳食飯，呢個真係好神奇！呢種豪邁同好爽我係好少見到。」
最終錄音變成長時間搏鬥，女歌手始終唱不對歌詞，陳輝陽直言不想再跟她合作，而二人即使在其他活動碰面，女歌手也不會跟陳輝陽打招呼。陳輝陽默認該女歌手現在在大陸很紅，加上曾經到台灣發展、唱功不佳、性格豪邁等線索，網民熱烈猜測女歌手的身分，有人認為有機會是楊千嬅、梁詠琪或薛凱琪，但最大嫌疑暫時還是張栢芝。她與陳輝陽曾合作的作品包括《不相愛的好處》，及翻唱由他作曲、傅珮嘉原唱的《絕》。
（約51:00）
資料&圖片來源：YouTube@24HERBS