陳蕾看重與《造星V》學員緣分 評論Nathan：佢好顧及別人感受
陳蕾一連四場的演唱會結束，她出道14年首踏紅館，成為近期城中熱話。不過，演唱會當中她邀請了從《全民造星V》結緣的參賽者做嘉賓，當中包括當時因事退賽的Nathan（魏念恩），而引發極大爭議，連日來討論區上及各社交平台充斥著對陳蕾的反對聲音，認為陳蕾不應給機會Nathan露面。
去年Nathan參加《造星V》期間，其女友突然跳樓輕生亡。有指Nathan自認為已成「紅人」，於是向拍拖多年的女友提出分手，但由於分手一事處理不當，令女方情緒不穩而自尋短見。女方家屬公開死者生前與Nathan的對話截圖，可見Nathan提出分手後仍不斷向女方借錢，Nathan形象插水，最終在決賽前臨時退賽。
不少人認為Nathan有份害死女友，直斥他是「殺人兇手」，對於曾擔任《造星V》導師的陳蕾疑似幫Nathan「試水溫」，網民感到極之失望。留意到爭議，陳蕾接受採訪時回應：「我覺得如果（大家）因為呢件事對我有唔好嘅睇法，我都無可避免。我自己確實係真係認識佢嘅人，我知道佢係一個點樣嘅男仔就得喇。我依然好愛錫我嘅學員，節目係一時，但係我好相信緣分。喺呢個時期大家都有自己嘅難關，而佢哋能夠認識到咁好能量嘅蕾老師，我都希望可以分更多嘅愛，或者係陪伴關懷，話畀佢哋知老師喺度。」
陳蕾承認，她早就預計到會有負評：「呢件事情當然有好大迴響，我反而在意真實存在喺我身邊嘅人嘅感受，多過外界陌生面孔嘅聲音。所以我希望身體力行話畀我嘅身邊人，包括我家人、同事、好朋友聽，我係一個咁樣嘅人，我會兌現我嘅承諾，如果我當你係朋友，我會用一個好大力嘅方式去表達支持、祝福、關懷同擁抱。」
說到學員感激她沒有在節目結束後就忘記他們，陳蕾哽咽起來，表示非常感動。陳蕾評論Nathan：「佢其實係一個好顧及別人感受嘅人，佢第一時間就話怕影響到我。咁我當時就覺得唔緊要，都係嗰句，我在意真實喺我身邊嘅人嘅感受，我就問佢：『你想唔想（上台）？你有冇呢個勇氣？如果你Ready就唔使擔心影響到我，蕾老師比你想像中更強大。』」再度掀起風波後，Nathan清空了其IG帳號。
資料&圖片來源：YouTube@Viu1 HK、IG@pantherchan、IG@nathanael_ngai
去年Nathan參加《造星V》期間，其女友突然跳樓輕生亡。有指Nathan自認為已成「紅人」，於是向拍拖多年的女友提出分手，但由於分手一事處理不當，令女方情緒不穩而自尋短見。女方家屬公開死者生前與Nathan的對話截圖，可見Nathan提出分手後仍不斷向女方借錢，Nathan形象插水，最終在決賽前臨時退賽。
不少人認為Nathan有份害死女友，直斥他是「殺人兇手」，對於曾擔任《造星V》導師的陳蕾疑似幫Nathan「試水溫」，網民感到極之失望。留意到爭議，陳蕾接受採訪時回應：「我覺得如果（大家）因為呢件事對我有唔好嘅睇法，我都無可避免。我自己確實係真係認識佢嘅人，我知道佢係一個點樣嘅男仔就得喇。我依然好愛錫我嘅學員，節目係一時，但係我好相信緣分。喺呢個時期大家都有自己嘅難關，而佢哋能夠認識到咁好能量嘅蕾老師，我都希望可以分更多嘅愛，或者係陪伴關懷，話畀佢哋知老師喺度。」
陳蕾承認，她早就預計到會有負評：「呢件事情當然有好大迴響，我反而在意真實存在喺我身邊嘅人嘅感受，多過外界陌生面孔嘅聲音。所以我希望身體力行話畀我嘅身邊人，包括我家人、同事、好朋友聽，我係一個咁樣嘅人，我會兌現我嘅承諾，如果我當你係朋友，我會用一個好大力嘅方式去表達支持、祝福、關懷同擁抱。」
說到學員感激她沒有在節目結束後就忘記他們，陳蕾哽咽起來，表示非常感動。陳蕾評論Nathan：「佢其實係一個好顧及別人感受嘅人，佢第一時間就話怕影響到我。咁我當時就覺得唔緊要，都係嗰句，我在意真實喺我身邊嘅人嘅感受，我就問佢：『你想唔想（上台）？你有冇呢個勇氣？如果你Ready就唔使擔心影響到我，蕾老師比你想像中更強大。』」再度掀起風波後，Nathan清空了其IG帳號。
資料&圖片來源：YouTube@Viu1 HK、IG@pantherchan、IG@nathanael_ngai