房屋署署長羅淑佩係MIRROR Ian粉絲 探討：做我呢啲工嘅人原來唔應該鍾意年輕歌手？
房屋署署長羅淑佩出了名是MIRROR成員Ian（陳卓賢）的粉絲，以往多次被目擊在公餘時間追星，又公開讚Ian「乖仔」，重視交通安全，不會揸快車，又打港隊排球、懂得作曲，值得支持。
近日羅淑佩接受恒大傳播學院《恒傳感言》的訪問，談到自己平日喜歡看演唱會減壓，她認為追星是很自然的事，沒必要隱藏：「我其實唔明點解而家唔話得畀人聽鍾意邊一個星，例如我媽咪嗰輩，如果鍾意陳寶珠、蕭芳芳、任劍輝、白雪仙......係人都知㗎喎，我係邊個嘅迷。我成長、讀書嘅時候，譚詠麟、張國榮，或者陳百強、Beyond，我鍾意佢哋又係係人都知㗎喎，咁點解到而家，我幾廿歲嘅時候，我鍾意Ian，講出嚟好似第一發現新大陸咁，第二好似咁奇怪嘅，一個我嘅年紀、做我呢啲工嘅人原來好似唔係好應該鍾意一個比較年輕啲嘅香港歌星或者係歌手。係咁㗎咩？唔係一向都講畀人聽㗎咩？」
羅淑佩表示，自己除了喜歡Ian的歌，也欣賞他的品格：「年輕嘅偶像除咗聲色藝方面，都可以將一啲正面訊息畀呢個社會，作為一個榜樣。」最後，羅淑佩推介大家聽Ian的一首歌《地球上的最後一朵花》，勉勵年輕人：「當你自己覺得係一朵孤花時，其實你都可以有生命力、可以成長，只要有第一朵花，就會有第二多朵花㗎喇。喺人口密集嘅香港，大家唔可能係孤花，不過我知道有啲年輕朋友覺得冇人了解自己，好似喺一個虛擬嘅孤獨地方，但係唔緊要，其實你有信念呢，你一樣可以生根生長，一樣可以將花粉傳開去。」
資料&圖片來源：YouTube@HSU SCOM
近日羅淑佩接受恒大傳播學院《恒傳感言》的訪問，談到自己平日喜歡看演唱會減壓，她認為追星是很自然的事，沒必要隱藏：「我其實唔明點解而家唔話得畀人聽鍾意邊一個星，例如我媽咪嗰輩，如果鍾意陳寶珠、蕭芳芳、任劍輝、白雪仙......係人都知㗎喎，我係邊個嘅迷。我成長、讀書嘅時候，譚詠麟、張國榮，或者陳百強、Beyond，我鍾意佢哋又係係人都知㗎喎，咁點解到而家，我幾廿歲嘅時候，我鍾意Ian，講出嚟好似第一發現新大陸咁，第二好似咁奇怪嘅，一個我嘅年紀、做我呢啲工嘅人原來好似唔係好應該鍾意一個比較年輕啲嘅香港歌星或者係歌手。係咁㗎咩？唔係一向都講畀人聽㗎咩？」
羅淑佩表示，自己除了喜歡Ian的歌，也欣賞他的品格：「年輕嘅偶像除咗聲色藝方面，都可以將一啲正面訊息畀呢個社會，作為一個榜樣。」最後，羅淑佩推介大家聽Ian的一首歌《地球上的最後一朵花》，勉勵年輕人：「當你自己覺得係一朵孤花時，其實你都可以有生命力、可以成長，只要有第一朵花，就會有第二多朵花㗎喇。喺人口密集嘅香港，大家唔可能係孤花，不過我知道有啲年輕朋友覺得冇人了解自己，好似喺一個虛擬嘅孤獨地方，但係唔緊要，其實你有信念呢，你一樣可以生根生長，一樣可以將花粉傳開去。」
資料&圖片來源：YouTube@HSU SCOM