港人北上潮 伍詠薇選擇留港消費：好心痛好多食肆結業

近年港人愛北上消費，嫌香港物價高昂，復活節一連4天長假，各大口岸均被北上大軍塞爆，上水站外現200米長人龍，報導指出入境人次突破百萬，再創疫情後新高。

假期外出，不難發現香港人流稀少，但藝人伍詠薇就決定留港消費，即使一人力量微薄，也想促進香港經濟。她在社交平台發文寫道：「老實講：我真係好心痛睇到新聞報道好多食肆結業，又或者仲有啲倖存嘅都頂得好辛苦⋯⋯我希望大家共同努力無論點都好，救救香港食肆同其他在水深火熱之中嘅其他行業嘅店舖。」

數日連假，伍姑娘在港享用美食：「尋日一出街就食食食⋯⋯然後由中環行到去金鐘⋯⋯假期慢活節奏步行仔細看風景⋯⋯天清氣朗底下嘅香港真係好靚⋯⋯#遊客上身遊走市區好開心」。

不過，有網友表示曾在香港的餐廳受氣，認為服務員態度極之惡劣，不想「畀錢食飯仲要睇面色」。而伍姑娘表示理解，自揭也有相同經歷：「係嘅我都遇過，我會禮貌同佢哋講咁樣會趕客㗎我係出自好心，就算對香港嘅客人甚至乎外地內地嘅客人都應該係有水準有效率同埋有禮貌食物質素好之餘，服務態度都好緊要㗎」。她續指：「希望香港食肆行業嘅服務員，香港曾幾何時出名係禮貌之都大家從事服務性行業嘅自己友⋯⋯要爭氣食物水準固然重要，服務態度好緊要⋯⋯總之要爭氣爭氣爭氣⋯⋯咁就更加多自己友支持」。
資料&圖片來源：FB@伍詠薇 Christine Ng