張致恒努力返工卻仍面臨全家被Cut電 雯雯嬲爆投訴：請問你想我點？

張致恒（Steven）與老婆區燕雯（雯雯）結婚4年多已育有4子，二人多次因經濟狀況鬧不和。早前雯雯還自爆其中一個囝囝患有自閉症及過度活躍症，照顧難度升級，Steven近日似乎變得生性，勤力在餐廳打工，又派傳單又送外賣，努力賺錢幫補家計，希望一家生活有保障。

不過，靠一人之力養活一家六口不是易事。雯雯今早（16日）自爆家裡慘被Cut電，導致他們不能煮飯，又沒有熱水沖奶給BB，小朋友不停喊，令雯雯非常頭痛！雯雯認為責任在Steven身上，直斥：「要發生嘅，終於都發生。你終於都令到屋企發生畀人Cut電，完全已經唔係容忍嘅範圍之內。小朋友又冇得煮嘢食，又冇熱水沖奶，不停喊，請問你想我點？！」

早前他們兩夫婦曾透露已聘請工人幫忙照顧小朋友，屆時他們就有更多時間外出打工賺錢。不過，工人姐姐仍未到家開工，這段時間依然難捱。網民看到雯雯的貼文，均有不同意見，有人在討論區留言：「出到Po即係冇事啦」、「即係電話有得叉電」、「又想人課金」、「『你終於都令到』，講到自己冇責任咁」、「條佬已經肯去返工搵錢，仲要畀佢怨」、「目的就係叫班有少少同理心嘅人畀錢囉」等。

Steven方面則未有就家裡的狀況作出回應，昨日（15日）他貼出舊照回憶年輕時的跳舞時光。

資料&圖片來源：IG@ugly__mama