姜濤開直播談粉絲衝突事件 認曾跟Anson Lo「互不理解」 但現在已是好朋友
日前MIRROR完成美加巡迴演唱會回港，粉絲踴躍到機場接機，但等候期間姜糖（姜濤粉絲）和神徒（Anson Lo 粉絲）爆出衝突，有傳粉絲發生口角並互相推撞，更疑似有人受傷，最終驚動機場管理人員和警方。
事後，Anson Lo和姜濤都非常擔心粉絲，不希望大家為了支持偶像而受傷。姜濤昨日（22日）罕有開直播特別談論這次衝突，他表示成員和公司有盡力了解事件的來龍去脈，可惜「100個人有100種唔同嘅說法」，他們無法找出衝突源頭。
不過，比起找出肇事者，他認為所有粉絲應謹記一切要以安全為先。姜濤認為自出道以來，各成員粉絲之間的隔膜愈來愈大，衝突從未停止，這點令他感到迷茫與灰心。他又提到，自己和Anson Lo臨落機前已知道事件，有嘗試商量解決辦法，但他們都不知所措。姜濤甚至感到自責，覺得因為自己做得不夠好，才導致粉絲關係不和，他為此向大家道歉。
姜濤更敞開心扉談及自己和Anson Lo的關係：「老實講，我同Anson Lo有因為呢一啲事情唔開心過，我哋之間係有畀呢啲嘢影響到。但係由《造星》到而家我哋都經歷咗好多嘢，各自都經歷過唔同嘅嘢。我哋一開始都係一班好單純嘅後生仔，出道短短5、6年，就經歷咗咁多嘢嘅時候，我哋係有互相唔理解過，但我哋後尾都知道其實大家緊張我哋、鍚我哋，先至有咁嘅事情發生。所以好好彩地我覺得我哋而家真係好好嘅朋友嚟，但又因為我哋係好好嘅朋友，所以覺得難過。」
想到自己即將於月尾迎來25歲生日，姜濤預先說出自己的生日願望，希望所有人都可以將心比己，多站在別人的立場思考，你可以不認同他人的看法，但至少能給予多一份理解。
資料&圖片來源：IG@keung_show
事後，Anson Lo和姜濤都非常擔心粉絲，不希望大家為了支持偶像而受傷。姜濤昨日（22日）罕有開直播特別談論這次衝突，他表示成員和公司有盡力了解事件的來龍去脈，可惜「100個人有100種唔同嘅說法」，他們無法找出衝突源頭。
不過，比起找出肇事者，他認為所有粉絲應謹記一切要以安全為先。姜濤認為自出道以來，各成員粉絲之間的隔膜愈來愈大，衝突從未停止，這點令他感到迷茫與灰心。他又提到，自己和Anson Lo臨落機前已知道事件，有嘗試商量解決辦法，但他們都不知所措。姜濤甚至感到自責，覺得因為自己做得不夠好，才導致粉絲關係不和，他為此向大家道歉。
姜濤更敞開心扉談及自己和Anson Lo的關係：「老實講，我同Anson Lo有因為呢一啲事情唔開心過，我哋之間係有畀呢啲嘢影響到。但係由《造星》到而家我哋都經歷咗好多嘢，各自都經歷過唔同嘅嘢。我哋一開始都係一班好單純嘅後生仔，出道短短5、6年，就經歷咗咁多嘢嘅時候，我哋係有互相唔理解過，但我哋後尾都知道其實大家緊張我哋、鍚我哋，先至有咁嘅事情發生。所以好好彩地我覺得我哋而家真係好好嘅朋友嚟，但又因為我哋係好好嘅朋友，所以覺得難過。」
想到自己即將於月尾迎來25歲生日，姜濤預先說出自己的生日願望，希望所有人都可以將心比己，多站在別人的立場思考，你可以不認同他人的看法，但至少能給予多一份理解。
資料&圖片來源：IG@keung_show