張敬軒罕談感情事 自認性格難頂 潛力對象犯一個錯誤即令佢冇Feel

近日播出的TVB節目《芷珊約您》有張敬軒擔任嘉賓，芷珊親身飛到紐約直擊軒仔的美國站演唱會，過程中跟軒仔暢談各種心事和想法。

芷珊對軒仔的感情事極感興趣，直言：「講真你而家都40歲，無理由等到50、60歲先結婚。」她問軒仔人生中有沒有遇過合適的對象，軒仔沉思了一會兒，表示自己其事沒有太多機會認識對象，加上他本身不願輕易讓一個人走進他的生活。軒仔舉例說明，指自己收拾東西如有「強迫症」，這樣很容易嚇怕人：「譬如有啲朋友，或者有潛力成為情人嘅人，一班朋友嚟到我屋企，可能拎起個火機或者一支筆，睇一睇擺返低，但係擺唔返啱個位，我就會行埋去擺返好，但其實嗰吓就已經完喇。」

芷珊轉向問軒仔的情史，問他拍過幾多次拖，軒仔就說：「拖過一隻、半隻手咁啦，我係一個講將來嘅人，但一去到講將來呢，個標準就唔同，會注意食飯口味夾唔夾等等...我係冇得話『不如行吓睇吓點先啦』，我所有嘢都要周詳計劃。」

說到自己如此挑剔，芷珊質疑軒仔沒有試過真正愛過一個人。這時軒仔反駁：「我唔承認，我覺得我愛過。」而他對伴侶挑剔的原因，原來跟父母有關。軒仔透露，自己爸媽的性格南轅北轍，相處上一直存在矛盾，軒仔看到媽媽的痛苦後，決定不能讓自己踏上一樣的道路，最理想的愛情是能跟伴侶相濡以沫。軒仔也希望尋找到自己的歸宿，他直言如果有一天找到真愛便會退休：「我覺得我唔會離開舞台，但係我唔會再咁活躍。如果我承諾得一個人係我另一半，我就想同我心愛嘅人共度人生餘下嘅時間。」



資料&圖片來源：YouTube@TVB USA Official