前TVB力捧小生蔡淇俊直播帶貨被要求說普通話 但他堅持講廣東話：市場做細啲咪做細啲囉

現年39歲的蔡淇俊曾是TVB力捧小生，但他拍完《同事三分親》後就沒有代表作，事業未有太大起色。2014年他北上轉戰飲食界，高鋒期坐擁10多間餐廳，但疫情期間餐廳幾乎全數結業，只剩咖啡店繼續運行，後來他再開鳳爪店搵食，近日還開始經營電商品牌，加入直播帶貨行列，為宣傳而活躍於社交平台分享日常生活。

不過，近日他直播期間經常被網民要求講普通話，被指「唔識普通話唔好學人直播」，又被質疑貨品「係咪淨係賣畀廣東人」，蔡淇俊稍有不滿，於是拍片作出回應。他表示：「首先呢，我只係一個小小演員，所以喺兩廣地區有嗰少少粉絲，出咗珠三角估計冇人識我係乜水。如果要我從零做起，一開始就做普通話市場，我估計我好快又執笠。」

他明白用普通話拍片和做直播會帶來更多收益，但蔡淇俊強調自己自小就在廣東長大，要他轉用普通話跟大家交流，恐怕會不太順暢，詞不達意而弄巧反拙。他笑指自己差不多40歲了，學習能力不像年輕人一樣強。

不過，蔡淇俊並非沒有野心，只是不想不自量力：「你問我想唔想做大做強？我梗係想啦，但係都要睇自己有幾多斤兩先得。我可以耕好自己門前一畝三分地，已經好叻㗎啦。」普通話和粵語他都喜歡，但他欠缺普通話能力是事實，他承認這是個弱點，但盡量保持思想正面：「個個都為咗迎合市場講普通話，咁粵語仲有邊個人嚟講？市場做細啲咪做細啲囉，我選擇講廣東話。」

資料&圖片來源：抖音@蔡淇俊