鬧爆張致恒淨係識「訓食痾」 雯雯勁嬲：賣身養埋你？

張致恒（Steven）與老婆區燕雯（雯雯）結婚4年多已育有4子，一家陷入財困多時，早前雯雯還自爆其中一子患有自閉症及過度活躍症，後來囝囝天朗又高燒不退要入院，愛犬又患癌，連雯雯都初步懷疑有腫瘤，實屬連環不幸，被逼入絕境。

當一家連租金都交不起，雯雯大爆Steven繼續好食懶飛：「屋企面臨咁大問題，每日只識瞓食同屙，我使唔使賣身養埋你？到底你喺呢個世界生存為乜？」，

她繼續怒轟：「就嚟冇屋住，夠擔死同我講，我瞓多陣啫，每日冇貢獻，有飯咪食，有屎咪屙，每次個老婆都解決到，就乜都唔理，我唔會出嚟做嘢養你，如果我係你做人仲有少少尊嚴，就消失！」

被老婆公開大罵，Steven沒有多作回應，他只發出限時動態如常搵工，希望網友介紹能即日出糧的炒散給他，看來仍有心照顧家庭。