傳邀張致恒北上登台要出7萬元？ 本尊：畀條路我行啦

張致恒（Steven）與老婆區燕雯（雯雯）結婚4年多已育有4子，一家陷入財困多時，早前雯雯還自爆其中一子患有自閉症及過度活躍症，後來囝囝天朗又高燒不退要入院，愛犬又患癌，連雯雯都初步懷疑有腫瘤，實屬連環不幸，被逼入絕境。

目前，Steven努力打工養家，又做炒散又北上登台，盡力搵多幾個錢。不過，Steven北上出騷被某媒體嘲為「超霉藝人」，傳媒還引述網友所言，指邀請Steven出騷要出7萬元，報酬可觀。

不過，報導一出，雯雯就發文澄清：「七萬？如果係，我宜家唔洗咁乞丐」。Steven本人也回應：拜託你唔好亂寫可以嗎？搞到個個都嚟問我係唔係收七萬，係收七萬我就唔使咁閉翳啦！」他繼指，如果網友有興趣聽他唱歌，他可以開IG直播，免費表演。Steven強調，他只想努力工作、生存和搵錢應付家庭開支，希望大家給他一條生路，呼籲網友不要相信謠言。