下一個為豪門設計波衫的是..............你？

有冇曾經有一刻心諗過，「點解件波衫嘅設計咁HEA架？」件波衫，好似點睇都唔順眼，總係覺得佢可以設計得好啲，又或者係符合多啲球會嘅形象同特色。依家，機會黎喇飛雲！某運動品牌就發起一項活動。皇馬、曼聯、拜仁等等豪門嘅波衫由你黎設計。
消息傳出黎之後，好多得意嘅設計都係網上流出，有啲認真覺得靚，有啲就幾搞笑。靚唔靚好多時都見人見智，但係自己設計嘅波衫有機會成為心愛球會嘅2017-18年嘅第三球衣，就點睇都係開心事黎嘅！


有啲曼聯球迷十分有創意，唔知係咪因為太「唔捨得」雲高爾，有啲球迷更將呢位前領隊嘅樣印左落波衫度!!

由細鍾意足球到大嘅你，或者都可能同我一樣，有諗過自己擁有一間球會，自己安排球員上陣，甚至自己設計波衫，創立會歌..........呢一切一切，原因好簡單，都係因為鍾意足球。（所以點解出現左足球管理呢個遊戲，就係咁解）

波衫呢樣野好玄妙，由開始出現到依家，經歷過好多變化。由淨色都花紋滿佈，由鬆身到貼身，每件波衫都見證左歲月嘅流逝同時代嘅變遷。呢一刻，你嘅設計就有可能係呢個時代，寫低你自己嘅名字了！

來源：http://en.as.com/en/2016/08/09/football/1470751948_833851.html