【瑞典足球先生】粉碎伊巴11連霸美夢 32歲鐵衛勇奪殊榮
近十年，「瑞典足球先生」呢項大獎都係伊巴謙莫域（Zlatan Ibrahimović）嘅囊中物，計埋2005年首次奪獎起，「伊巴」都只係喺2006年輸過俾龍格堡，其餘都係落入佢手中！不過，今年呢個獎項嘅得主終於起變化，十連霸嘅伊巴正式讓位，取而代之嘅係32歲國家隊首席中堅格蘭基斯（Andreas Granqvist）。
▲ 恭喜格蘭基斯首度奪獎！
▲ 伊巴連奪十年，今年呢個獎項得主終於換人！
自伊巴於2016歐國盃後退出國家隊，格蘭基斯從前者手上接過隊長臂章，帶領瑞典國家隊殺入2018世界盃決賽週，當中分組賽擊走荷蘭，附加賽殺退意大利更為佳作！當大家都慢慢習慣瑞典冇伊巴嘅同時，呢位精神領袖接班人能夠獲獎，可以話係實至名歸！
格蘭基斯職業生涯冇效力過大球會，可能得熱拿亞同韋根比較多人認識。近五季，格蘭基斯都係喺俄超球會卡斯洛達（Krasnodar）渡過，係隊中不可或缺嘅中堅人選。今季暫時替球隊上陣17次，全為正選，並有1個入球。
雖然依家瑞典有格蘭基斯呢位新領袖，但係國內仍然有唔少呼聲，希望伊巴謙莫域重返國家隊。因為上季伊巴喺曼聯嘅出色表現，令佢得到今屆瑞典最佳前鋒嘅榮譽，喺馬古斯貝治（Marcus Berg）同托禾倫（Ola Toivonen）都並非一線射手嘅情況下，難怪有咁多瑞典球迷希望伊巴回歸啦！
消息來源：Dailymail
▲ 恭喜格蘭基斯首度奪獎！▲ 伊巴連奪十年，今年呢個獎項得主終於換人！
自伊巴於2016歐國盃後退出國家隊，格蘭基斯從前者手上接過隊長臂章，帶領瑞典國家隊殺入2018世界盃決賽週，當中分組賽擊走荷蘭，附加賽殺退意大利更為佳作！當大家都慢慢習慣瑞典冇伊巴嘅同時，呢位精神領袖接班人能夠獲獎，可以話係實至名歸！
格蘭基斯職業生涯冇效力過大球會，可能得熱拿亞同韋根比較多人認識。近五季，格蘭基斯都係喺俄超球會卡斯洛達（Krasnodar）渡過，係隊中不可或缺嘅中堅人選。今季暫時替球隊上陣17次，全為正選，並有1個入球。
雖然依家瑞典有格蘭基斯呢位新領袖，但係國內仍然有唔少呼聲，希望伊巴謙莫域重返國家隊。因為上季伊巴喺曼聯嘅出色表現，令佢得到今屆瑞典最佳前鋒嘅榮譽，喺馬古斯貝治（Marcus Berg）同托禾倫（Ola Toivonen）都並非一線射手嘅情況下，難怪有咁多瑞典球迷希望伊巴回歸啦！
消息來源：Dailymail