【名宿之話】奧雲有意見！　「馬列斯頂替唔到古天奴架！」

自從古天奴落實轉投巴塞之後，不斷有消息傳出利物浦想簽入李斯特城翼鋒馬列斯嚟頂替古天奴。不過，近日曾經效力利物浦嘅奧雲就好有意見，認為馬列斯唔係頂替古天奴嘅最佳人選！


奧雲喺自己嘅專欄入面，提及到今個週末利物浦對曼城嘅大戰：「喺英超入面，最令人感到刺激嘅一仗！兩支球隊將要踢一場大戰，屬於今季最強對碰之一！然而，利物浦要呢刻開始接受失去古天奴嘅事實喇！」

及後，奧雲提到有關馬列斯傳加盟利物浦一事：「喺傳出馬列斯會加盟利物浦之後，有人問我，馬列斯係咪頂替古天奴嘅最佳人選，不過，我就不敢苟同。」

「馬列斯確實係唔差，但係佢並冇高普要求嘅速度同埋態度。而且，我都想知道正選11人會點排，佢嘅位置喺邊度，因為右邊翼鋒正選係沙拿啊，馬列斯唔會有正選掛？！」

來源：Goal