【走唔到就扭計】馬列斯繼續罷操被罰廿萬鎊　對史雲斯唔使預佢！

從來野馬都係桀驁不馴，更何況係一隻特別有能力，又特別有性格嘅野馬呢！講緊嘅呢隻野馬，就係李斯特城翼鋒馬列斯。呢位哥哥仔，轉會唔成去曼城，依家走嚟玩罷操！

▲　　據報馬列斯星期四開始唔操波。

據Skysports報導，指馬列斯繼星期四一課後，星期五再次缺席李斯特城嘅訓練，一共缺席咗兩日。有報導指佢會被李斯特城罰款20萬鎊，相約於佢兩個禮拜嘅人工。而今日，球隊對史雲斯嘅賽前訓練裡面，馬列斯係仍然冇出現到。

點解馬列斯扭計呢？事緣係咁。有傳今年冬季轉會窗，馬列斯一度極接近加盟曼城！前幾日，據報曼城已經為佢準備咗6500萬英鎊嘅轉會費。馬列斯當然開心到彈起，本應都諗住執定包袱「撇」架喇，點知最後兩間球會喺轉會費方面傾唔掂數，交易失敗，馬列斯唔開心都正路嘅。

▲　　兩位人兄關係未到無可修補嘅地步......

其實只從馬列斯喺李斯特城踢出名堂後，差唔多次次轉會窗都有佢份，隊隊嘅「險簽隊」都見到佢個名咁濟。想走，又走不了，呢種心情筆者我都相當明白。不過，留番喺度嘅隨時係一份心意，而唔係一份負擔呢！李斯特城領隊佩爾曾經話，會盡力令馬列斯「開心番」，會氹番佢。但也都有馬列斯嘅好朋友話，轉會失敗後嘅馬列斯心情真係Down到「hihi」。

講真吖，既然都走唔到嚕，不如盡力踢番今季再算啦。冇表現，下次轉會窗鬼有人吼啊！

來源：
ESPN、SKYSPORTS