Infinity Pool 大嶼山 大澳 日落之旅 Lantau Island 萬丈布 防曬噴霧 sunblock
靚就靚啦，但行左兩個中，我地上到一個休憩既地方，
睇個地圖，重有勁耐先到，
而除左我個法國朋友唔想放棄外，其他都舉手投降，
而我唔可以掉低我個法國朋友啦，唯有硬住頭皮陪佢行。
大概行多半個中，撞到對行山情侶，
我就去問下佢地，重有幾耐，
佢話我聽原來我地一開始就行錯，原來要keep住係石灘個邊行，如果唔係，就要係下圖個d石道爬落去！
Ummmmmm.................................................
其實係有三層樓高既，我未想俾飛行服務隊救住，
唯有跟住對情侶落返去，行返去石灘個邊再行多半個中，
係到達infinity pool前，我地已經spend 左四個中去行山，係日落前終於到左。
Btw 最後如果大家同我一樣係無膽匪類，
就最好sunset前落山，因為回程條路好黑，我淆到呢⋯⋯
除左講風景之外，我今次去用既方法，
就係係東涌搭11號去大澳，再行山，
快的話又無行錯路的話一小時搞掂，
如果慢的話又無行錯路的話兩小時都得，
千萬唔好學我地行幾快都好，行錯路用左四小時T_T