邊話韓國個個都整容，佢地就係純天然美女！

提起韓國，除左諗起泡菜，都會諗起整容，無計啦，韓國喺整容大國，真係十個有八個都整，睇下喺動刀定打針，有啲家長仲會儲定一筆整容基金俾自己既仔女，等佢地成年就可以馬上去「美容」。所以有時喺電視見到啲韓國明星，都會即刻諗佢地有無整呢？雖然小編話韓國十有八整，但都有例外，今日就為大家細數幾個韓國娛樂圈真正嘅天然美女！
1.宋慧喬
宋慧喬有幾紅吾洗我講啦，仲要一直都係最頂尖既韓流topstar，由藍色生死戀、浪漫滿屋到太陽的後裔，拍過n套名劇。再對比番宋慧喬以為讀書時期個樣，五官都無咩太大分別，果然喺真正的天然美女！
2.李英愛
小編仲好記得當年《大長今》入面既長今同閔大人，仲有陳慧琳唱個首主題曲，真喺回憶啊！李英愛喺韓國最岀名嘅氧氣美女，第一批帶領韓流既明星，李英愛除左人靚心地都好好，時常做好多公益活動。不過結咗婚都淡岀左娛樂圈，而家好少拍劇演出啦。3.朴信惠
童星岀身的朴信惠，觀眾由細睇到佢大個，應該唔需要懷疑佢整容架啦，《天國的階梯》女主角細個就係佢扮架啦。初時都有些baby fat，不過呢一兩年已經成功瘦下來，係劇集《Doctors》見佢成塊面都尖左。

4.全智賢
一套《我的野蠻女友》令全智賢躋身韓流巨星；再一套《來的星星的你》全智賢喺女神同女神經之間自由地游走，用顏值同演技再次征服觀眾，令大家為佢着迷。其實全智賢真喺由細靚到大，而且擁有完美的身材，就算生完BB身形都係咁正！
5.金泰𤋮
來自全韓國最高學府首爾大學，亦都喺韓國最岀名既天然美女，連整容醫生都公開點名話佢喺完全無整過架。金泰𤋮比較多喺接廣告，電影電視劇反而比較少，一年既廣告代言就高達10億韓元。

6.宋智孝
要數韓國最自然女星智孝一定榜上有名，喺running man節目入面常常極淡妝岀現，有時仲要素顏上陣，但一樣咁靚女！之前有網友找岀智孝細個既樣做對比，真喺一樣咁標緻㗎。六個韓國天然美女，你又鐘意邊個呢？

（圖片來源：網絡）