守門員 的搜尋結果

【 迪基亞名落孫山的原因 】 有唔少球迷對於安歷基喺最新一次西班牙國家隊陣容放棄迪基亞嘅決定感到非常不滿，認為迪基亞今季喺曼聯嘅表現無可能無份入選，唔明點解會揀賓福特嘅拉也取代佢嘅位置。但其實我個人認為安歷基呢個決定絕對係有跡可尋，相信佢都等咗呢個機會好耐，去到呢一刻終於實行咁解。 有一件事無庸置疑嘅，就係今季迪基亞嘅撲救能力確係非...

【 敵不動我不動 冷靜致勝 】 艾利臣今季嘅單刀表現，相信連唔係利物浦球迷都知佢有幾堅。特別喺利物浦嘅高位防線戰術下，艾利臣嘅單刀應對能力顯得更加重要。而喺剛剛阿仙奴對利物浦嘅英超補賽當中，艾利臣又成功救返利物浦一命，令當時比賽維持喺 0:0，之後利物浦再入兩球擊敗阿仙奴，同榜首嘅曼城只差一分。 首先過程源自於利物浦嘅泰亞高，佢喺無...

【 話咁快又要吹噓「角度唔算刁鑽 救到係應份」嘅撲救 】 首先多謝大家對於早兩日我地因應藍斯度救出哈菲班尼斯頭鎚嘅分析有咁多回應以及支持。坦白講比我想像中更加多人明白到守門員唔係次次都要衝出嚟，收放自如嘅重要性，同埋攻門以及撲波角度唔係唯一嘅重點，實在倍感安慰。只不過估唔到話咁快又有一個類似嘅例子，今次嘅主角係馬體會嘅奧比勒。 歐聯...

【 嚴重犯規？ 】 英超 VAR 又一爭議，喺白禮頓對利物浦嘅賽事入面，利物浦入嘅第一球由新加盟嘅路爾斯迪亞斯頂入，不過入波後因為同山齊士相撞後受傷倒地，需要軍醫入場治理。幸好之後迪亞斯都無乜大礙可以繼續比賽，但山齊士撞向迪亞斯嘅動作似乎有機會被以紅牌趕出場下，最後球證一張牌都無出示，引嚟唔少爭議。 當時馬迪普一個長傳彈地波交畀迪亞...

【 接應回傳的學問 】 歐聯16強次回合賽事，由皇馬主場對住 PSG。繼首回合臨完場入波令 PSG 領先 1:0 之後，麥巴比今場 39分鐘再入多一粒，令 PSG 兩回合計一度領先 2:0。諗住皇馬都唔係咁易可以反 Cup，點知去到 61 分鐘當拿隆馬嘅一個犯錯，令到皇馬追成較接近嘅比數。之後去到 76 以及 78 分鐘賓斯馬連入兩球...

【 舒米高點解放棄 Adidas 手套？ 】 如果有留意開卡斯柏舒米高或者龍門手套嘅朋友，應該都留意到卡斯柏舒米高由上年嘅歐國盃開始就無再喺正式比賽入面使用 Adidas 手套之餘，仲用緊一對全白印有自己 Logo 「KS」喺手背嘅特製手套。 究竟點解卡斯柏舒米高會唔繼續用 Adidas 呢？純粹因為贊助費滿足唔到佢？點解唔代言其他...

【 一落千丈的奧比勒？ 】 相信如果要大家數近年頭十最好波嘅門將，點都一定會有馬體會嘅奧比勒份。不過我都相信大家會同意今季奧比勒嘅同以往相比真係相差好遠，睇返 fbref.com 嘅數據，今季西甲嘅守門員射門後預期入球差排行榜 (即 PSxG +/-)，奧比勒係以 -10.2 排緊包尾。你無睇錯，係以 -10.2 包緊尾，即係奧比勒令...

【 進取與保守的平衡 - 藍斯達爾 】 有唔少人經常有一個錯覺，覺得守門員企得愈出封位就愈好。以物理學角度上，如果當係一個平面淨係由射手嘅正面射門角度嚟睇，無錯企得愈出位守門員就愈能夠收窄正面嘅射門角度。 但同樣地用返物理學嚟講，又係咪咁簡單？有無考慮到企咗出嚟令到門將同個波嘅距離短咗會同時令到門將可以反應嘅時間同樣大大縮短？另外齋...

【 睇見個樣都感受到有幾「痛」- 辛加利 】 非洲國家盃正進行緊小組賽賽事，塞拉利昂喺第一場守和上屆冠軍阿爾及利亞已經夠曬神奇，今場又可以同傳統勁旅科特迪瓦踢成 2：2 拎多一分，實在好嘢。當然門將卡馬拉兩場嘅表現都不俗，今場仲撲出埋 AC 米蘭球員基斯嘅 12 碼，值得一讚。 不過今次想講嘅唔係卡馬拉，而係科特迪瓦嘅門將辛加利 (...

【 大打爭氣波嘅前英新星 - 畢蘭特 】 大家仲記唔記得畢蘭特呢位曾經喺碧福特未冒起之前，被吹捧為接祖赫特班成為英軍未來十年守門員鐵膽嘅門將呢？當年畢蘭特效力伯明翰嘅年代實力已經不俗，仲曾經拒絕加盟車路士，全因希望可以有更多正選機會。 被伯明翰寄予厚望嘅畢蘭特最後喺 2013 年 1 月加盟史篤城，但當時佢都只係成為球隊嘅三號門將，排...

【 荷西沙亞： 我要踢世界盃！《訪問譯文》】 今季英超其中一個最佳收購，相信一定唔少得狼隊嘅荷西沙亞。呢位曾經效力波圖以及奧林比亞高斯嘅葡萄牙籍門將今季加盟狼隊以取代去咗羅馬嘅柏捷斯奧，相信唔少人初初都對佢唔大期望。始終荷西沙亞同柏捷斯奧同屬葡萄牙籍，而柏捷斯奧係國家隊一號門將，相反荷西沙亞雖然有被召入過國家隊但從未上陣，觀感上係一個...

【 教材式混合步法 - 艾度亞文迪 】 講過不下數十次，步法對於門將嚟講有幾重要，往往好嘅步法先至係撲救成功與否嘅關鍵。而剛剛由車路士對住利物浦嘅英超大戰，車路士門將艾度亞文迪就成功示範點樣混合使用幾款唔同嘅步法，令自己成功擋出沙拿嘅遠射，為車路士守住 2: 2 和局。 當時祖達首先喺中圈位置擔住佩利錫，一個轉身就將個波交咗畀...

【 舒米高：咁都要睇 VAR 先吹！？ 】 話說阿士東維拉對李斯特城賽事入面，維拉嘅積及藍斯有一個入球被判為詐糊並判為李斯特城嘅間接自由球，但事後好多人認為呢球波應該要判有效，究竟發生咩事？ 當時維拉左路罰球斬到去遠柱，由卡殊頂向龍門方向，卡斯柏舒米高右手撲出不遠，嘗試起身用左手撳返住個波，但被積及藍斯立即補射入網。 球證奧...

【 身高不是一切 由被雷丁放棄變成加盟愛華頓 】 今日想同大家講一個勵志故事。 大家有無試過係一啲自己鐘意做嘅野，因為一啲自己控制唔到嘅理由而被其他人睇死自己，變相慢慢變得好憎呢件本身熱愛嘅事呢？Pat Nash 呢位嚟自英國嘅年青門將就係其中一個活生生嘅例子。 兩年之前，仲係15歲嘅 Pat 因約滿而需要離開效力咗七年嘅球會雷丁...

日前西班牙嘅一場青年隊比賽中，上演咗一幕令人難以想象嘅奇跡，Torrent 青年軍絕殺了 Alzira 青年軍。絕殺經常出現，點解呢個咁特別呢？因為呢球係由守門員開龍門球直接絕殺對手！ 完場前，守門員 Alejandro Palop 救出咗對方嘅罰球射門，佢緊緊抱住咗個波，之後無絲毫停頓，立即跑到己方禁區右側，然後來了個大腳長「傳」。 無...

【 藍斯度親自解說「嗰個」撲救 】 相信唔使我講都有唔少人知道屈福特門將賓科士打有一個 YouTube Channel 「The Cycling GK」 專門影下佢比賽前後嘅花絮，如果你仲未睇過就記得上 YouTube 睇睇喇。 而佢地最新嘅一條片就係阿仙奴對屈福特嘅比賽 Vlog，對手嘅門將就係由細到大已經係西布朗球迷而且睇住賓科...

【 上一秒仲係聖人 下一秒就係罪人？ 】 今季都 Keep 住講曼聯門將迪基亞狀態全面回勇，一洗近年嘅頹勢，令到上季好多人想用甸軒達臣取代佢做正選嘅聲音都消失曬咁濟。不過琴晚由阿特蘭大對住曼聯嘅歐聯賽事，兩個失波似乎同迪基亞唔多唔少都有啲關係，令到又有人提返起係咪係時候要搵返甸軒達臣做正選... 首先第一球係一球左路攻勢，薩柏...

【 由降班「罪人」變成救世主 】 有唔少人喺阿仙奴以高價購入藍斯度嘅時候，都批評阿仙奴呢個決定。因為佢地認為藍斯度前兩季喺般尼茅夫以及錫菲聯嘅表現唔值佢嘅身價，仲要連續兩季降班，覺得降班嘅主因就係佢。唔否認藍斯度踢般尼茅夫以及初初踢錫菲聯嘅時候確係有唔少進步空間，但其實如果真係有睇佢落場表現嘅話就知道佢其實非常有潛質。 雖然連續兩季...

【 想證明自己偏偏未如理想般的結果 】 馬天尼斯同阿仙奴呢兩個名字，相信近兩季由於利奴狀態不穩令到大家經常拉埋一齊嚟講。不過自從藍斯度做咗阿仙奴嘅正選之後，好似阿仙奴球迷就少咗提馬天尼斯，喺今場對住阿仙奴嘅比賽入面仲對住馬天尼斯唱曬 「Aaron Ramsdale, he's better than you!」嘅歌。 難怪馬天尼斯今...

【 甩手犯錯不是世界末日 】 香港球隊再次打入亞協盃四強，理文於跨區決賽對住烏茲別克球隊 FC 拿薩夫。上半場理文先失兩球，第二球似乎由於門將袁皓俊錯判傳中間接導致入球，但之後佢成功重拾狀態，為球隊撲出多個對手嘅射門，令下半場理文能夠保持不失之餘更加追返兩球，令比賽需要進入加時。 上半場26分鐘，當時拿薩夫領先緊 1 : 0 ...