[西藏] 特色廁所排行榜

去西藏除左要克服高山反應，仲要唔怕骯髒既廁所。今次好想同大家分享下係西藏見過比較"有特色"既廁所，亦都想分享下我既廁所3寶。雖然當你知道要去既係一d比較偏遠既地區時好自然會自行調節一下個標準，但當你真正見到既時候都係難免會覺得震撼。
＊以下並沒有廁所的近照，請放心閱讀（查實係當時走都走唔切冇影到）

第3位－路邊麵店的廁所

嚴格黎講佢唔算好恐怖，係個設計上比較“得意“。首先佢有兩層高，我估作用係多d空間裝米田共同埋離得遠d。只係一去到後面要上樓梯時會發現佢得前面個一面牆（即係圖個面），其餘三面同天花都係空盪盪‘。不過你可以見到‘後面方圓十里都冇野，基本上你唔洗驚俾人見到，同埋超通風所以一d味都冇，只係你一除褲時會感受一股涼意 。唯一唔好似係天氣唔好個時會比較麻煩，唔知佢地會唔會擔遮去廁所…

▼呢個係廁所真身，離開麵店都有d距離，有可愛既小朋友仲帶我去XD


第2位 －桑耶寺內的廁所


呢道個廁所老實講並唔太骯髒，外觀可以用幾靚來形容，亦令有難得有靚廁所不如去下啦既行動。每一次去廁所其實我都有以下三寶：

1－紙巾
2－有類似白花油味既口罩
3－水和消毒洗手液（基本上廁所都冇水洗手）

不過第二位既恐怖之處既然唔係個樣係咩呢，就係味道啦！話說我一入到去，廁所依舊係冇門，撇除大概有一萬隻烏蠅係度飛緊，個廁所真係幾新淨，但真係十分臭，雖然已經戴左口罩但依然蓋唔過個陣味。我諗住已經入到黎，渣渣林去埋佢唔好煩，全程盡力閉氣咁去。去到最後一刻忍唔住吸左一啖差d係廁所度嘔左出黎，真心冇誇大…走都走唔切。

第1位 － 打大佬：扎什倫布寺

▼除左廁所之後其實好值得一去

▼一個好靚既影相位

當時我地已經坐左好幾個鐘既車來到日喀則，因為時候都唔早，未checkin就立即黎到什布倫寺，所以想去廁所既程度已經去到90％，司機大哥就先帶我地入寺，離入口不遠處靠右就係佢啦，由於佢本身都係冇門，但唔同偏遠廁所，呢道人來人往， 而入面既廁格都係冇門，所以係外面路過都可以好清楚咁見到頭兩格入面…係無法選擇之下只能去最入面個兩格。

一入去味道唔算好臭？！但成個空間都佈滿左飛黎飛去既烏蠅，感覺有十萬隻飛緊（按第2位比例），手緊緊按住口罩去到第三格，好大pat米田共…只能去最後一格…成個過程我只係不停向下望（因頭頂有大量飛飛）同用最快既速度搞掂，急到條褲都整濕左＝＝….（反眼）

其實之後沿路係見到有d新淨好多既廁所，但係都鎖住左…當時係覺得好彩係鎖左唔係頭先去得咁辛苦做乜，但遲下大家去個時可能已經有得用！敬請留意！

註：以上排行只係個人當時感受，未必

反映現時狀況，希望大家到時會有surprise。