日本遊客來港買甚麼手信？　香港「導遊」網民話你知！

事源昨日（2月16）有位網民，聲稱有長居日本朋友早前農曆年一家大細來港，他充當導遊，並記錄一行人買了甚麼手信：
從清單可見，日本人基本上最愛2大類，一類是日食夜食但未見過的口味的產品；另一類是香港本土食品。講到尾，都係貪新鮮。因為老實講，陸羽茶包、Lipton 3合1奶茶，在其界別中真係質素有限。反而蠔油就真係識貨喇！可以考慮埋蝦醬。不過唔知日本遊客曉唔曉還原港式油菜呢？菜心、芥蘭都OK架，記得碟邊上。亦有網友指獅球嘜花生油日本人都鍾意：
買念慈菴枇杷膏、葛根湯、喉糖都聽過，原來清熱酷都有日本 fans：而本土食品點少得紙包飲品，當然又以維他奶為代表；不過本人認為冬天飲熱水櫃暖住的玻璃樽先最正：

聞說日本人鍾意老婆餅、月餅，香港手信又唔止奇華嘅，本人零食首選就陳意齋。另外，以為少少凍，加上過年買新衫，仲以為會去國貨公司買返件棉襖。戴返頭盔先，上述純粹報導及臆測，本人無日本朋友。讀者亦可去信自稱日本通的王友良求証。