【不如我哋重頭嚟過】夜闌人靜，最好睇返套王家衛

夜闌人靜，睇王家衛啲戲其實幾正。一個人坐喺客廳張梳發，望住螢幕裡面嘅唔同角色－可能係食緊罐頭波蘿嘅金城武，可能係潛入人哋屋企抹緊地嘅王菲，可能係寫緊小說嘅梁朝偉...

＜Facebook專頁 Hypesphere狂熱球電影資訊網＞


你唔係好知佢地實際做緊咩，就好似唔係好知自己夜媽媽唔瞓覺做緊咩，但你又覺得好似認識佢地咁；唔係好瞭解佢地搵緊咩，就好似連自己想搵咩都唔清楚，但你知道，有啲嘢無論點搵都搵唔番...

＜互聯網圖片＞

呢個時候，最好外面落住微微細雨，然後喺雨聲襯托下，一個人享受住呢種緩慢嘅節奏，沉浸喺回憶同映畫之中，享受呢份似懂非懂而又脫離現實嘅私人空間。


＜有冷門電影公司Blog圖片＞


兩個鐘頭後，戲播完，雨亦都停咗，仍然坐喺客廳嘅你，可能仲未捨得瞓，心裡面或者喺度諗，如果有下次嘅久別重逢，仲可以同你講啲咩？

＜互聯網圖片＞


P.S.張國榮同梁朝偉，真係將廣東話講得好有韻味


筆者的Facebook專頁「講樂．過路人」，也有更多廣東歌跟大家分享，希望多多支持！

https://www.facebook.com/shingster1412/

延伸閲讀：
【永遠的「哥歌」】春天該很好，你若尚在場
【主題樂園】《夢中人》@重慶森林
【因為你，我會記住這分鐘】16首「分鐘」作歌名的廣東歌
【大家都是小智】一把聲音，孕育精靈訓練員的夢想
【壞與更壞】最怕其實被取消資格，留下差跟壞