【唔係黃宗澤】音樂世界的「幕後玩家」－只要他開口，我忙到不眠不休都會幫忙

顯示分享連結
「幕後玩家」，唔單止係大台每晚播緊既台慶劇，亦都係上世紀某本地樂隊既名稱，成員包括羅金榮、許日佳、郭熾賢，以及小弟最喜歡既陳頌紅。

筆名「寧靜」嘅陳頌紅，只講佢個名，大家未必知邊個。

不過如果話《天地豪情》、《流金歲月》、《衛斯理》嘅主題曲同插曲，都係出自佢嘅手筆，相信大家會對「陳頌紅」有多少印象。本地樂壇作曲填詞人眾多，但要數小弟最情有獨鍾嘅only one，呢個肯定會係陳頌紅。(今次有D標題黨feel，不過想講下小弟偶像XD)


作曲、填詞：陳頌紅／主唱：羅嘉良


最近經常見到「幕後玩家」呢個劇名，於是就無無聊聊咁，上網search下呢隊同樣叫「幕後玩家」既band。

＜互聯網圖片＞


小弟一直都非常好奇，為羅嘉良寫過唔少歌既「幕後玩家」女主音陳頌紅，把聲到底係點...結果總算係youtube搵到首，據說「可能」係由陳頌紅主唱既歌。(如果呢個真係陳頌紅，把聲同想像都幾唔同，第一次聽首歌未必好慣，但聽下聽下其實又幾正)



根據片段upload者介紹，「幕後玩家」1995年出道，屬另類組合，由於歌曲未被廣泛接受，發展成績未如理想。解散後，主音 羅金榮（Wing Lo）轉至幕後，曾任鍾鎮濤等歌手的唱片監製，亦曾創作大熱電視劇《男親女愛》主題曲《藍天》。


作曲：羅金榮／填詞、主唱：黃子華


至於「幕後玩家」出道以來，總共只曾出過兩張CD，包括95年既《非常自我的現方式》，以及收錄《姊妹情深》既《本來就是一個概念》。另外，組合成員郭熾賢亦曾為《美味天王》主題曲《Mamma Mia》作曲。唔知大家又對呢隊「幕後玩家」有無咩印象呢？


作曲：郭熾賢／填詞：陳頌紅／主唱：群星


講到「幕後玩家」女主音陳頌紅，雖然佢冇林夕、Wyman、周博賢等咁出名，作品產量相比之下亦唔算多，絕大部分都係同羅嘉良合作，但正正因為產量唔多，陳頌紅係小弟絕無僅有地，幾乎每首歌都背到佢歌詞嘅音樂人。見到「羅嘉良Ｘ陳頌紅」呢對拍檔，將為撈家新劇主題曲合作，即使未聽到首歌，都覺得有信心保證。(雖然陳頌紅今次只係負責監製部分)


＜寧靜Facebook＞



小弟鍾意聽羅嘉良，好大程度都係因為陳頌紅。依家夜晚重播《創世紀》，劇中羅嘉良嘅歌係正，但始終覺得，冇咗陳頌紅啲曲同詞，硬係爭咁些少。見到佢哋繼《富貴門》後再合作，想同大家分享下，一篇陳頌紅幾年前嘅文章，而呢個亦係小弟對陳頌紅情有獨鍾嘅另一個原因。



「羅嘉良是另一個我不得不提的好搭檔。自從我替他寫了一首他很喜歡的《誰更重要》（《難兄難弟》片尾曲）之後，他就一直對我投下最信任的一票。明知道我從沒當過監制，都向唱片公司推薦我為他監制整張《天地豪情》唱片。


作曲、填詞：陳頌紅／主唱：羅嘉良


要知道，當時的他在電視上紅極一時，他要找更富經驗、更具名氣的音樂監制，一點也不難。他偏偏就把這個機會送給我。那張唱片，銷量達到七萬五千張，IFPI頒給我的白金唱片，現在還放在我書桌旁。

＜互聯網圖片＞


所以我跟他說過，只要他開口，我忙到不眠不休都會幫忙。就像這一次《富貴門》。


作曲、填詞：陳頌紅／主唱：羅嘉良


本來因為音樂事業停滯不前，加上已經專注在寫作上，我早就把家中所有音樂器材拆掉，只留下兩部琴。因為沒有器材，之前也曾經推掉幾次作曲的offer。」(by陳頌紅)


每次重溫呢段嘢，依然覺得好正，尤其呢句「只要他開口，我忙到不眠不休都會幫忙。」問心，你身邊有邊個朋友或者拍擋，只要佢一開聲要幫手，你會肯不眠不休，仆心仆命幫忙？人生有個咁正既拍檔，的確好極！


筆者的Facebook專頁「講樂．過路人」，有更多廣東歌跟大家分享，希望多多支持！

如果喜歡我們的文章，請即分享到︰