【哥追的是一種精神】所謂的「鍾意」，其實我地真正又有幾鍾意？

顯示分享連結
「16年來，哥追的不是星，是一種精神。」

loading

呢位歌迷對周董既熱愛，令小弟諗起樣唔算有直接關係，但又間唔中都會諗起既嘢：其實何謂「鍾意」？

呢份「鍾意」，唔係男女之間既鍾意，而係對一個歌手、一本書、一部戲、或者一個地方之類既鍾意。

感覺每個人對「鍾意」既定義都唔同，有啲「鍾意」可能比較表面，純粹對鍾意既對象有單純好感，但呢份「鍾意」好快就會畀新嘢取代；

有啲「鍾意」可能會比較深入，由於對鍾意既對象有好感，並因而產生共鳴，繼而進一步對鍾意既對象探索更多；

有啲「鍾意」可能黎黎去去，都係得幾個對象，但就好似呢位歌迷咁，早已將呢份「鍾意」融入生活，成為某種精神食量...(下刪其他各種「鍾意」程度既可能)
所以每次聽到人地話「鍾意」乜乜乜，都總會諗起上述各種可能，幻想對方講緊既「鍾意」，其實係去到邊個程度。

＜互聯網圖片＞


尤其如果對方「鍾意」既嘢，係同自己一樣的話，就更想知道對方點樣定義「鍾意」。

諗起最近上網見到有個「唔准google畫卡通人物比賽」，感覺都幾有趣。雖然依家資訊發達，但會唔會同時更容易地，令人唔知道自己其實真正「鍾意」啲乜？

＜新Monday圖片＞


如果大家無得search google，對於自己所謂「鍾意」對象既認識，唔知仲會剩低幾多呢？抑或依然會係滾瓜爛熟？


筆者的Facebook專頁「講樂．過路人」，有更多廣東歌跟大家分享，希望多多支持！

如果喜歡我們的文章，請即分享到︰

標籤: 周杰倫  鍾意