【紅館手記】鄭中基Play It Again演唱會尾場 (長文慎入)
加場都買唔到飛，本來以為冇得睇鄭中基，還幸友人買到張「視線受阻」門票，雖然位置側過側田，不過有飛入場已經好好，而且仲係初三尾場，作為歌迷確實興奮，小弟亦希望大家從呢篇千字文，感受得到演唱會既氣氛！
為左保持睇騷驚喜，所有跟今次演唱會有關既報導同rundown，小弟之前都盡量唔睇，不過只有上fb，要做到完全睇唔到，基本上係冇乜可能，就算點唔睇，都會知道千嬅做第三場嘉賓，亦知道打頭陣既歌係《時間人物地點》...
新春佳節，自然要「熱烈地彈琴熱烈地唱」，20位打扮成小鳳姐既小朋友，圍住Ronald跳舞表演，大唱《喜氣洋洋》應節。
唱完兩首歌熱身，之後個part就以「歌迷留言最想聽既歌」為主題，總共有三首。估唔到既係，前奏一響，第一首就已經係最最最想聽既《想愛你》！終於現場聽到一次「想愛你，夜深中突然心痛過...」，太正。唱完《想愛你》，另外兩首放入呢part既歌，係《閉目入神》同《還以為》。
之後Ronald笑言自己作既歌，都唔係太「魚蛋」既K歌，但呢首00年寫既歌，點都要唱。本來以為係《晴天陰天雨天》，但Ronald就話呢首歌，係因為自己當年「瀨野」之後而寫，一首都唔算太hit既《救救我》。
其後係《傻大哥》既純音樂伴奏，大螢幕出現Ronald既成長片段，再迎來第一位嘉賓－鄭中基爸爸鄭東漢，兩父子jam歌合奏《浪子心聲》，仲叫埋阿仔阿女上台。之後鄭爸爸再為Ronald伴奏《晴天陰天雨天》同《人若然忘記了愛》，即使鄭爸爸滿頭白髮，但彈起結他堅型！
＜東網圖片＞
話晒Ronald當年係台灣出道，演唱會點都要唱下國語歌，《你的眼睛背叛了你的心》同《相思無用》，都係非常正路既選曲。所謂「正路」，即係小弟無咁熟Ronald國語歌，但呢兩首點都會叫聽過...
唱完兩首國語歌，大螢幕就播放Ronald由歌壇，轉戰電影既片段，《行運超人》、《龍咁威》、《低俗喜劇》，每個角色都肯定睇過，但小弟都係比較鍾意唱歌既Ronald。係呢part裡面，Ronald係班火辣辣既dancers伴舞下，先唱首《猛龍特警隊》，再唱出好能夠代表電影既《星光伴我心》。
其後既《我代你哭》，應該係全晚第一首出現既「超級hit歌」，無論係咪鄭中基歌迷，都會識唱晒全首既歌。
緊接第二位嘉賓出場，睇返之前rundown其實都唱過呢首，不過尾場就請黎原唱者，係邊首歌都呼之欲出，就係鄭中基同陳慧琳合唱既《製造浪漫》。
＜東網圖片＞
能夠請黎原唱者當然好，但論驚喜程度，就唔及今晚另一位嘉賓喇。Kelly歌迷事前似乎都收到風，係現場舉牌支持，而Kelly亦再唱多首《大日子》，順便逗利是...
跟住又到返Ronald唱歌時間，而小弟其實有少少估唔到，會現場聽到呢首《八 二十八 八十八》。Ronald仲話歌詞裡既「還未夠八歲便喝醉」，完全係自己心聲，因為細個已經偷酒飲！
話晒都近十年無開演唱會，鄭中基今次開騷，講真都幾多嘉賓！唱完一首歌，又有嘉賓出場，就係LMF，首先合唱《基哥基哥》，而請得LMF黎，當然都要唱返首「想，我都好想好似中左頭獎，有野唔洗做，老細又吹我唔漲」既《大懶堂》。
阿爸上完台，阿仔阿女又上左台，點可以無老婆份？而要唱畀老婆聽既歌，又有邊首sweet得過《三生有幸》？鄭太亦有上台講返幾句，兩夫妻仲當眾嘴嘴，幾乎搞喊埋鄭中基(詳情請看：https://goo.gl/c6CIwe)
＜東網圖片＞
溫情完，又聽到小弟頭幾位既「基歌」心水。唱呢首歌前，Ronald話無論要佢唱一百次，定一千次，只要大家鍾意都會繼續唱，有一刻小弟覺得佢要唱《無賴》，但原來係唱《搬屋》。搬完屋，先再全場大合唱《無賴》！
好喇，之後就到全晚小弟覺得最驚喜既部分，就係有「子華神」做嘉賓！有黃子華，就梗係絕無冷場，幾分鐘已經勁多笑位，由鄭中基食完牛歡喜唱情歌，講到譚校長係素來無野唔食既「素食者」，再扮被屈上台唱歌，同Ronald合唱《風的季節》，全場high爆！(詳情請看：https://goo.gl/mk0JCZ)
＜東網圖片＞
送走「子華神」後，就到「向觀眾逗利是」環節。唱完《財神到》同《肥婆隻雞甩晒毛》，終於唱小弟等左好耐既《有種》喇！作為當年賀歲片《行運超人》主題曲，呢首都算係Ronald最應節既自家歌喇！
之後個part小弟非常鍾意，就係任觀眾點唱，如果Ronald唔識唱，就送件演唱會衫畀點唱既朋友，可以話係死忠派「顯示實力」既機會。唔知邊位朋友點左《珍重》，而呢首歌亦係小弟全晚，唯一一首完全唔識既歌，厲害！
Ronald係呢part亦都唱左《黑風暴雨》、《傻大哥》、《One More Time》等比較sidetrack既歌，少少失望既係，《美女與野獸》同《我真的哭過》，Ronald似乎就唔多記得歌詞，要由歌迷幫手「代唱」！
尾場嘉賓除左以上幾位，原本仲有劉德華，不過早前劉華墮馬受傷黎唔到，所以就變成全場開住手機，由鄭中基再唱多次《許願樹》，為養傷既劉華送上祝福。
至於演唱會既壓軸歌曲，就係小弟係「點歌環節」，已經想點既《天意》，因為唱左成晚，都未唱呢首歌嘛！有趣既係，Ronald tag呢首歌之前講既野，同某個之前聽過佢既live，一樣講左呢句：「可能，都係天意喇！」
尾場亦唔少得Encore，最後Ronald唱多左兩首歌，分別係《只要你愛我》同翻唱既《夢醒時分》，結束今次「Play It Again演唱會」。
其實想聽既歌，Ronald都真係唱得八八九九，如果真係要數邊首未唱既，合唱歌黎講，就有《心寒》、《約會林嘉欣》、《左右為難》，至於獨唱歌，就係《緣分無邊界》、《爛瞓》、《高手》。
不過講真，一個演唱會點都唱唔晒所有歌，只希望Ronald今年會再戰樂壇，儲多幾首歌，好快再喺紅館開個唱！
尾場演唱會rundown：
時間人物地點
喜氣洋洋
想愛你
閉目入神
還以為
救救我
傻大哥
浪子心聲
Sha la la
晴天陰天雨天
人若然忘記了愛
你的眼睛背叛了你的心
相思無用
猛龍特警隊
星光伴我心
我代你哭
製造浪漫
大日子
八 二十八 八十八
基哥基哥
大懶堂
三生有幸
搬屋
無賴風的季節
財神到
肥婆隻雞甩曬毛
有種
青春痘
黑風暴雨
美女與野獸
許願樹
傻大哥
黑山老妖
Beautiful people
One more time
珍重
我真的哭過
許願樹
天意
只要你愛我
夢醒時分
筆者的Facebook專頁「講樂．過路人」，有更多廣東歌跟大家分享，希望多多支持！
為左保持睇騷驚喜，所有跟今次演唱會有關既報導同rundown，小弟之前都盡量唔睇，不過只有上fb，要做到完全睇唔到，基本上係冇乜可能，就算點唔睇，都會知道千嬅做第三場嘉賓，亦知道打頭陣既歌係《時間人物地點》...
新春佳節，自然要「熱烈地彈琴熱烈地唱」，20位打扮成小鳳姐既小朋友，圍住Ronald跳舞表演，大唱《喜氣洋洋》應節。
唱完兩首歌熱身，之後個part就以「歌迷留言最想聽既歌」為主題，總共有三首。估唔到既係，前奏一響，第一首就已經係最最最想聽既《想愛你》！終於現場聽到一次「想愛你，夜深中突然心痛過...」，太正。唱完《想愛你》，另外兩首放入呢part既歌，係《閉目入神》同《還以為》。
之後Ronald笑言自己作既歌，都唔係太「魚蛋」既K歌，但呢首00年寫既歌，點都要唱。本來以為係《晴天陰天雨天》，但Ronald就話呢首歌，係因為自己當年「瀨野」之後而寫，一首都唔算太hit既《救救我》。
其後係《傻大哥》既純音樂伴奏，大螢幕出現Ronald既成長片段，再迎來第一位嘉賓－鄭中基爸爸鄭東漢，兩父子jam歌合奏《浪子心聲》，仲叫埋阿仔阿女上台。之後鄭爸爸再為Ronald伴奏《晴天陰天雨天》同《人若然忘記了愛》，即使鄭爸爸滿頭白髮，但彈起結他堅型！
＜東網圖片＞
話晒Ronald當年係台灣出道，演唱會點都要唱下國語歌，《你的眼睛背叛了你的心》同《相思無用》，都係非常正路既選曲。所謂「正路」，即係小弟無咁熟Ronald國語歌，但呢兩首點都會叫聽過...
唱完兩首國語歌，大螢幕就播放Ronald由歌壇，轉戰電影既片段，《行運超人》、《龍咁威》、《低俗喜劇》，每個角色都肯定睇過，但小弟都係比較鍾意唱歌既Ronald。係呢part裡面，Ronald係班火辣辣既dancers伴舞下，先唱首《猛龍特警隊》，再唱出好能夠代表電影既《星光伴我心》。
其後既《我代你哭》，應該係全晚第一首出現既「超級hit歌」，無論係咪鄭中基歌迷，都會識唱晒全首既歌。
緊接第二位嘉賓出場，睇返之前rundown其實都唱過呢首，不過尾場就請黎原唱者，係邊首歌都呼之欲出，就係鄭中基同陳慧琳合唱既《製造浪漫》。
＜東網圖片＞
能夠請黎原唱者當然好，但論驚喜程度，就唔及今晚另一位嘉賓喇。Kelly歌迷事前似乎都收到風，係現場舉牌支持，而Kelly亦再唱多首《大日子》，順便逗利是...
跟住又到返Ronald唱歌時間，而小弟其實有少少估唔到，會現場聽到呢首《八 二十八 八十八》。Ronald仲話歌詞裡既「還未夠八歲便喝醉」，完全係自己心聲，因為細個已經偷酒飲！
話晒都近十年無開演唱會，鄭中基今次開騷，講真都幾多嘉賓！唱完一首歌，又有嘉賓出場，就係LMF，首先合唱《基哥基哥》，而請得LMF黎，當然都要唱返首「想，我都好想好似中左頭獎，有野唔洗做，老細又吹我唔漲」既《大懶堂》。
阿爸上完台，阿仔阿女又上左台，點可以無老婆份？而要唱畀老婆聽既歌，又有邊首sweet得過《三生有幸》？鄭太亦有上台講返幾句，兩夫妻仲當眾嘴嘴，幾乎搞喊埋鄭中基(詳情請看：https://goo.gl/c6CIwe)
＜東網圖片＞
溫情完，又聽到小弟頭幾位既「基歌」心水。唱呢首歌前，Ronald話無論要佢唱一百次，定一千次，只要大家鍾意都會繼續唱，有一刻小弟覺得佢要唱《無賴》，但原來係唱《搬屋》。搬完屋，先再全場大合唱《無賴》！
好喇，之後就到全晚小弟覺得最驚喜既部分，就係有「子華神」做嘉賓！有黃子華，就梗係絕無冷場，幾分鐘已經勁多笑位，由鄭中基食完牛歡喜唱情歌，講到譚校長係素來無野唔食既「素食者」，再扮被屈上台唱歌，同Ronald合唱《風的季節》，全場high爆！(詳情請看：https://goo.gl/mk0JCZ)
＜東網圖片＞
送走「子華神」後，就到「向觀眾逗利是」環節。唱完《財神到》同《肥婆隻雞甩晒毛》，終於唱小弟等左好耐既《有種》喇！作為當年賀歲片《行運超人》主題曲，呢首都算係Ronald最應節既自家歌喇！
之後個part小弟非常鍾意，就係任觀眾點唱，如果Ronald唔識唱，就送件演唱會衫畀點唱既朋友，可以話係死忠派「顯示實力」既機會。唔知邊位朋友點左《珍重》，而呢首歌亦係小弟全晚，唯一一首完全唔識既歌，厲害！
Ronald係呢part亦都唱左《黑風暴雨》、《傻大哥》、《One More Time》等比較sidetrack既歌，少少失望既係，《美女與野獸》同《我真的哭過》，Ronald似乎就唔多記得歌詞，要由歌迷幫手「代唱」！
尾場嘉賓除左以上幾位，原本仲有劉德華，不過早前劉華墮馬受傷黎唔到，所以就變成全場開住手機，由鄭中基再唱多次《許願樹》，為養傷既劉華送上祝福。
至於演唱會既壓軸歌曲，就係小弟係「點歌環節」，已經想點既《天意》，因為唱左成晚，都未唱呢首歌嘛！有趣既係，Ronald tag呢首歌之前講既野，同某個之前聽過佢既live，一樣講左呢句：「可能，都係天意喇！」
尾場亦唔少得Encore，最後Ronald唱多左兩首歌，分別係《只要你愛我》同翻唱既《夢醒時分》，結束今次「Play It Again演唱會」。
其實想聽既歌，Ronald都真係唱得八八九九，如果真係要數邊首未唱既，合唱歌黎講，就有《心寒》、《約會林嘉欣》、《左右為難》，至於獨唱歌，就係《緣分無邊界》、《爛瞓》、《高手》。
不過講真，一個演唱會點都唱唔晒所有歌，只希望Ronald今年會再戰樂壇，儲多幾首歌，好快再喺紅館開個唱！
尾場演唱會rundown：
時間人物地點
喜氣洋洋
想愛你
閉目入神
還以為
救救我
傻大哥
浪子心聲
Sha la la
晴天陰天雨天
人若然忘記了愛
你的眼睛背叛了你的心
相思無用
猛龍特警隊
星光伴我心
我代你哭
製造浪漫
大日子
八 二十八 八十八
基哥基哥
大懶堂
三生有幸
搬屋
無賴風的季節
財神到
肥婆隻雞甩曬毛
有種
青春痘
黑風暴雨
美女與野獸
許願樹
傻大哥
黑山老妖
Beautiful people
One more time
珍重
我真的哭過
許願樹
天意
只要你愛我
夢醒時分
筆者的Facebook專頁「講樂．過路人」，有更多廣東歌跟大家分享，希望多多支持！
如果喜歡我們的文章，請即分享到︰
延伸閲讀：
【哥追的是一種精神】所謂的「鍾意」，其實我地真正又有幾鍾意？
【本地樂壇四大頒獎禮】投選最有「驚」無喜moment！
【逃避雖可恥但有用】改編分享－片尾曲《戀》粵語版歌詞MV
【歌曲背後】《謝謝你》的小故事@樂印姊妹
【唱到氣咳廣東歌】一口氣連唱64粒字，你得唔得！
【哥追的是一種精神】所謂的「鍾意」，其實我地真正又有幾鍾意？
【本地樂壇四大頒獎禮】投選最有「驚」無喜moment！
【逃避雖可恥但有用】改編分享－片尾曲《戀》粵語版歌詞MV
【歌曲背後】《謝謝你》的小故事@樂印姊妹
【唱到氣咳廣東歌】一口氣連唱64粒字，你得唔得！