【世界盃雜談】如果真有「魔咒」的話，英格蘭可以走幾遠

有冇一支國家隊，你把口話佢地唔會贏，亦唔係完全捧佢地，但心底裡面其實想佢地贏呢？對於好多香港人黎講，呢隊波可能叫英格蘭。

好似16強對哥倫比亞，踢到互射12碼，心諗都輸左九成九，結果，英格蘭竟然贏左，連英國傳媒既標題都自抽：「你冇眼花，英格蘭真係射贏12碼」。

＜Evening Standard圖片＞

講真，今屆英格蘭既晉級之路，都無乜贏過強隊，好難講有咩說服力，不過既然連多年來既「互射12碼」魔咒都破解到，好難怪咁多英軍球迷，會覺得今屆可能真係「英格蘭年」。

＜互聯網圖片＞

當英格蘭8強贏埋瑞典，繼1990年後再次殺入世界盃4強，距離冠軍又近一步。
今次亦都係英格蘭歷史於大賽裡面，第4次殺入準決賽，之前3次只有1次晉級，就係1966年贏世界盃個次。

其實，今屆世界盃剩低既球隊當中，除左法國之外，其餘3隊對上一次踢入世界盃4強，最後都係輸波而回，只能爭季軍。

1986年比利時，準決賽0:2不敵阿根廷，最後殿軍。

1990年英格蘭，準決賽1:1(3:4)不敵西德，最後殿軍。

＜互聯網圖片＞

1998年克羅地亞，準決賽1:2不敵法國，最後季軍。
如果真係有魔咒呢回事既話，或者可以稱之為「準決賽魔咒」。

比利時贏唔贏到法國就未知，但下線既克羅地亞同英格蘭，肯定有隊可以打破呢個「準決賽魔咒」。

相信有好多香港人都希望，呢隊可以係英格蘭。雖然把口話佢地唔會贏，但心底裡其實想佢地贏，包括小弟。

＜互聯網圖片＞

延伸閲讀：
【世界盃雜談】除左陳金城，巴拿馬仲有個「洪金寶」
【刑偵系列】源自赤川次郎的「唐家命案」
【患難見真情】人生有個令你「爆喊」既朋友，的確好極！
【世界盃雜談】從「梗頸四」講起，兩年可以改變好多野
【世界盃雜談】當無線完全放棄體育節目