【患難見真情】人生有個令你「爆喊」既朋友，的確好極！

睇到呢張相喺度諗，最後一次開棟篤笑既黃子華，見到當年同自己貼街招、識於微時既好友，忽然出現眼前既心情。

＜明報周刊圖片＞

【延伸閱讀】黃子華棟篤笑攬林祖輝爆喊　林祖輝那些年貼街招助子華的兄弟情（香港經濟日報）

喺嗰短短幾秒之間，可能「子華神」既腦海入面，閃過左彼此三十年黎相處既畫面，然後一時感觸，忍唔住喊左出黎。

＜香港01圖片＞
呢種友誼，的確好唔容易。能夠令一個男人「爆喊」，當中包含一種歲月既歷練。

當你得唔到其他人認同，甚至面對好多質疑既聲音，呢位朋友選擇信任你，係你身邊支持你。

當你為左尋找人生目標而奮戰，呢位朋友沿途同你並肩作戰，你成功佢替你高興，你衰左佢同你共患難。

＜互聯網圖片＞

當你終於攀到人生某個位置，呢位朋友可能因為家庭，已經唔會好似過往咁成日見面。

不過，呢位朋友係你心裡面，始終佔據一個重要位置，而你亦永遠記得，當初係邊個對自己投以信任一票。
＜蘋果日報圖片＞

驀然回首，原來眨眼已經幾十年，再次見到呢個朋友係面前出現，真係好難頂得順。

男兒有淚不輕彈，不過一個男人，過咗五十知天命之年，能夠有個令自己「爆喊」既兄弟，實在係種麻甩佬希望擁有既福氣。

延伸閲讀：
【新年過節唔少得】無限翻兜「麻將大俠」，越爛既牌就越要俾心機打
【世界盃雜談】如果真有「魔咒」的話，英格蘭可以走幾遠
【刑偵系列】源自赤川次郎的「唐家命案」
【不再少年時】重溫《金田一少年之事件薄》，原來鄭秀文曾經「亂入」！
【年尾流流】如果有「人生補時」的話，可以彌補到遺憾嗎？