【二月十四顛沛流離】邊個「恐嚇」著你做人沒趣味？
李克勤，或稱送禮勤，係個相當有趣既存在。
＜互聯網圖片＞
唱歌以外，宋生耐唔耐就會為大家顯新猷，例如送禮，例如barcode事件，又或者魔性澎湃、被踢傷後既IG連環抽擊，每次帶來既娛樂性，比佢既音樂都總係來得吸引。
＜互聯網圖片＞
當然，仲有最新鮮熱辣既「二月十四顛沛流離」。
不過，今次有啲唔同，難得地唔係佢本人派膠，純粹畀人改歌改到要搵真身回應。
講真，第一個諗到將《紅日》頭四個字改成「二月十四」既人，的確係好有諗頭。
有咩契機令佢諗到呢下神來之筆，不得而知，但趁住呢首「二創歌」咁紅，不如就講講李克勤既原曲歌詞。
宋生經常為自己既歌填詞，應該冇乜人唔知道，而據佢本人所講，呢首《紅日》就係佢拍劇期間，匿埋TVB停車場捱眼瞓，想為自己打打氣而黎既創作。
【延伸閱讀】李克勤匿TVB停車場捱眼瞓寫《紅日》（香港01）
當然，冇人估到呢首喺停車場既創作，會成為宋生後來既經典作。
雖然呢首歌流行性極強，不過如果諗真啲chorus段歌詞，其實係有少少奇怪。
例如，好少會用「曲折」或者「離奇」去形容命運，而更加少見既係，將「恐嚇」呢個聽落以為大佬講數既字，放埋落歌詞。
其實完全明白講緊乜，但硬係覺得有些少奇怪，而最奇怪既係，呢幾句喺用字上雖然有啲瑕疵，但仍然無阻佢既流行性，仲有可能係李克勤最被人認識既歌詞。
若然要再喺克勤既詞作裡面，雞蛋裡挑骨頭的話，都有其他類似既例子，好似《命運符號》呢句「誰沒有試過染著糞土」，簡單黎講即係「踩屎」，將呢個比喻放落流行曲既歌詞，喺未有「屎撈人」既年代之前，確係有少少奇怪。
不過，以上所講純粹吹毛求疵，事實上李克勤寫過既歌詞，個人覺得以歌手黎講，算係數一數二，即使拍落專業填詞人，毫不失禮之餘，有時甚至更好。
正如佢喺演唱會所講，歷年來自己寫既歌詞，好多首最後都成功跑出，呢樣野，點都要有返些少功力先做到既。
筆者的Facebook專頁「講樂﹒過路人」，有更多廣東歌跟大家分享，希望多多支持！
＜互聯網圖片＞
唱歌以外，宋生耐唔耐就會為大家顯新猷，例如送禮，例如barcode事件，又或者魔性澎湃、被踢傷後既IG連環抽擊，每次帶來既娛樂性，比佢既音樂都總係來得吸引。
＜互聯網圖片＞
當然，仲有最新鮮熱辣既「二月十四顛沛流離」。
不過，今次有啲唔同，難得地唔係佢本人派膠，純粹畀人改歌改到要搵真身回應。
講真，第一個諗到將《紅日》頭四個字改成「二月十四」既人，的確係好有諗頭。
有咩契機令佢諗到呢下神來之筆，不得而知，但趁住呢首「二創歌」咁紅，不如就講講李克勤既原曲歌詞。
宋生經常為自己既歌填詞，應該冇乜人唔知道，而據佢本人所講，呢首《紅日》就係佢拍劇期間，匿埋TVB停車場捱眼瞓，想為自己打打氣而黎既創作。
【延伸閱讀】李克勤匿TVB停車場捱眼瞓寫《紅日》（香港01）
當然，冇人估到呢首喺停車場既創作，會成為宋生後來既經典作。
雖然呢首歌流行性極強，不過如果諗真啲chorus段歌詞，其實係有少少奇怪。
例如，好少會用「曲折」或者「離奇」去形容命運，而更加少見既係，將「恐嚇」呢個聽落以為大佬講數既字，放埋落歌詞。
其實完全明白講緊乜，但硬係覺得有些少奇怪，而最奇怪既係，呢幾句喺用字上雖然有啲瑕疵，但仍然無阻佢既流行性，仲有可能係李克勤最被人認識既歌詞。
若然要再喺克勤既詞作裡面，雞蛋裡挑骨頭的話，都有其他類似既例子，好似《命運符號》呢句「誰沒有試過染著糞土」，簡單黎講即係「踩屎」，將呢個比喻放落流行曲既歌詞，喺未有「屎撈人」既年代之前，確係有少少奇怪。
不過，以上所講純粹吹毛求疵，事實上李克勤寫過既歌詞，個人覺得以歌手黎講，算係數一數二，即使拍落專業填詞人，毫不失禮之餘，有時甚至更好。
正如佢喺演唱會所講，歷年來自己寫既歌詞，好多首最後都成功跑出，呢樣野，點都要有返些少功力先做到既。
筆者的Facebook專頁「講樂﹒過路人」，有更多廣東歌跟大家分享，希望多多支持！