【美味天王】好野嚟架，不過都要響應古仔：「準時熄電視！」
講真，都幾鍾意依家12點重播既《美味天王》。
以喜劇黎講，呢套真係令你笑得出，劇情、造型同表情誇張得黎，又好似真人版卡通咁頂癮，淨係田味吉同田味橙都已經笑死，就連細個覺得兇神惡煞既「你大我呀」，搞笑起上黎原來都可以咁好笑。
記得以前讀緊中學嗰陣，有日學校早放，返到屋企心情又麻麻地，打開電視咁啱重播緊《美味天王》，嗰集講佢地成班人唔知點解去左間度假屋，津津（張可頤）一方面受蘇蘇（關詠荷）所託，要痴鬚扮男人阿Sean，另一方面又要做返津津，其他角色就喺隔離搞場大龍鳳想拆穿佢，嘻嘻哈哈胡鬧一番，睇完個人心情真係好左。
亦都係呢段劇情（好似），有首插曲自己好鍾意，改編自《在森林和原野》原曲，將本來首唔啱音既兒歌，改成喬柏高同夏津津既定情歌，而當癡脷筋既喬柏高唱呢首歌，又會自然咬字清晰返，其中最深印象一幕，係佢揹住拗柴既津津唱。
「我心裡但求 共她能 愛在初秋
既想開口 又怕開口 煩惱更係愁
而佢佢佢極溫柔 來等等等我追求
要勇氣道出真心 愛歌輕輕奏」
雖然好想睇返呢首歌出現既場口，不過點講都好，套劇始終係大台出品。TVB喎，今時今日，真係睇唔落。所以學喬柏高話齋，大家都係記得準時熄電視，唔止12點，其實任何時段都應該咁做，又或者睇其他電視台算罷啦。
【延伸閱讀】古天樂拒重睇TVB舊劇 溫馨提示：夜晚12點準時熄電視（蘋果日報）
有啲記憶 ，由得佢留喺過去，可能先係最美好。
以喜劇黎講，呢套真係令你笑得出，劇情、造型同表情誇張得黎，又好似真人版卡通咁頂癮，淨係田味吉同田味橙都已經笑死，就連細個覺得兇神惡煞既「你大我呀」，搞笑起上黎原來都可以咁好笑。
記得以前讀緊中學嗰陣，有日學校早放，返到屋企心情又麻麻地，打開電視咁啱重播緊《美味天王》，嗰集講佢地成班人唔知點解去左間度假屋，津津（張可頤）一方面受蘇蘇（關詠荷）所託，要痴鬚扮男人阿Sean，另一方面又要做返津津，其他角色就喺隔離搞場大龍鳳想拆穿佢，嘻嘻哈哈胡鬧一番，睇完個人心情真係好左。
亦都係呢段劇情（好似），有首插曲自己好鍾意，改編自《在森林和原野》原曲，將本來首唔啱音既兒歌，改成喬柏高同夏津津既定情歌，而當癡脷筋既喬柏高唱呢首歌，又會自然咬字清晰返，其中最深印象一幕，係佢揹住拗柴既津津唱。
「我心裡但求 共她能 愛在初秋
既想開口 又怕開口 煩惱更係愁
而佢佢佢極溫柔 來等等等我追求
要勇氣道出真心 愛歌輕輕奏」
雖然好想睇返呢首歌出現既場口，不過點講都好，套劇始終係大台出品。TVB喎，今時今日，真係睇唔落。所以學喬柏高話齋，大家都係記得準時熄電視，唔止12點，其實任何時段都應該咁做，又或者睇其他電視台算罷啦。
【延伸閱讀】古天樂拒重睇TVB舊劇 溫馨提示：夜晚12點準時熄電視（蘋果日報）
有啲記憶 ，由得佢留喺過去，可能先係最美好。