[球筆著地] 柴台之前可唔可以畀少少掌聲？
相信因為科蘭效應，唔少都好似我咁有留意傑志呢4場亞冠波。 琴晚鄭展龍左腳遠柱補時絕殺，可以話全場瘋狂，興奮莫名，鬼煞咁嘈，嗌咗出嚟。
https://youtu.be/4c4jfH4lQPo
不過一如既往，好多網民都出嚟大潑冷水，「咁早打多個唔係贏唔到吓嘛」「贏咗咪又係出局」...
係係係，大家嘅眼光都好宏觀好獨到好有遠見，而我只係想借呢篇文去鼓勵一眾本土香港仔，
因為喺香港地踢一場好波，其實好難。
需知道傑志喺港超超班，但面對一眾亞冠球隊只係BB班，係魚腩中嘅魚腩，頭3場加埋，輸足10比0。 大膽講句，對傑志拎唔到3分真係要喊出嚟。
今次第四場出擊亞冠爆冷贏波，呢3分係靠成隊傑志拼返嚟! 主場出擊加上早段打多一人嘅優勢，先勉強可以同柏雷素爾打成均勢(其實都唔算均勢，全場計埋控球比率都係四六比)。但成隊波唔騰雞唔淆底，肯搶肯攻唔龜縮，當然打多一個踢得冇咁辛苦，同埋大家都知，再冇分落袋就真係唔駛踢。
然後再望望個出場陣容，唔計入藉兵，正選只有盧均宜，唐建文，李毅凱三個本土球員，計埋後備上陣嘅鄭展龍，都係四個咁大把。要喺爭取上陣已經唔易，再要爭取到表現更加困難。
隊長盧均宜，成條右路走上走落，助攻助守，有一腳長傳斬入禁區畀科蘭，微毫不差，只係科蘭被力迫之下起唔到腳。
（source:體路）
唐建文，見到唔少人留言話係無名英雄，真係好安慰，大家都睇到佢真係殺咗好多波，對住班又快又扭得日本兵真係好難守。
（source:HKFA）
李毅凱，同樣喺中路守咗好多波，頂住步大力雄嘅盧比斯爆頭顏射個腳半空門尤其關鍵重要!
（source:HKFA）
鄭展龍，20歲仔，最後10分鐘上陣搏殺， 右路禁區邊被力迫，再自己搶返個波殺入禁區左腳射個世界波，幫傑志全取3分兼攞埋MOM!
（source:體路）
雖然今仗贏波，但傑志出局嘅呼聲冇低過。
贏波功勞，當然係全隊上上下下，上下一心咁拼返嚟。 數字上出線仲有希望，但你知我知全隊傑志都知，好難。就算最後真係出局，但千祈唔好抹殺每位球員嘅拼勁同付出。
仲有，好希望大家記得呢班球員嘅名，畀多少少鼓勵，畀多少少獎聲，因為喺香港做全職足球員真係要好大勇氣。
https://youtu.be/4c4jfH4lQPo
不過一如既往，好多網民都出嚟大潑冷水，「咁早打多個唔係贏唔到吓嘛」「贏咗咪又係出局」...
係係係，大家嘅眼光都好宏觀好獨到好有遠見，而我只係想借呢篇文去鼓勵一眾本土香港仔，
因為喺香港地踢一場好波，其實好難。
需知道傑志喺港超超班，但面對一眾亞冠球隊只係BB班，係魚腩中嘅魚腩，頭3場加埋，輸足10比0。 大膽講句，對傑志拎唔到3分真係要喊出嚟。
今次第四場出擊亞冠爆冷贏波，呢3分係靠成隊傑志拼返嚟! 主場出擊加上早段打多一人嘅優勢，先勉強可以同柏雷素爾打成均勢(其實都唔算均勢，全場計埋控球比率都係四六比)。但成隊波唔騰雞唔淆底，肯搶肯攻唔龜縮，當然打多一個踢得冇咁辛苦，同埋大家都知，再冇分落袋就真係唔駛踢。
然後再望望個出場陣容，唔計入藉兵，正選只有盧均宜，唐建文，李毅凱三個本土球員，計埋後備上陣嘅鄭展龍，都係四個咁大把。要喺爭取上陣已經唔易，再要爭取到表現更加困難。
隊長盧均宜，成條右路走上走落，助攻助守，有一腳長傳斬入禁區畀科蘭，微毫不差，只係科蘭被力迫之下起唔到腳。
（source:體路）
唐建文，見到唔少人留言話係無名英雄，真係好安慰，大家都睇到佢真係殺咗好多波，對住班又快又扭得日本兵真係好難守。
（source:HKFA）
李毅凱，同樣喺中路守咗好多波，頂住步大力雄嘅盧比斯爆頭顏射個腳半空門尤其關鍵重要!
（source:HKFA）
鄭展龍，20歲仔，最後10分鐘上陣搏殺， 右路禁區邊被力迫，再自己搶返個波殺入禁區左腳射個世界波，幫傑志全取3分兼攞埋MOM!
（source:體路）
雖然今仗贏波，但傑志出局嘅呼聲冇低過。
贏波功勞，當然係全隊上上下下，上下一心咁拼返嚟。 數字上出線仲有希望，但你知我知全隊傑志都知，好難。就算最後真係出局，但千祈唔好抹殺每位球員嘅拼勁同付出。
仲有，好希望大家記得呢班球員嘅名，畀多少少鼓勵，畀多少少獎聲，因為喺香港做全職足球員真係要好大勇氣。