[球筆著地] 成也Underdog 敗也Underdog
勝負分野唔在於實力，而係點對抗壓力。
好多人都話克羅地亞贏在拼勁，冇錯!
為自己去拼，為國家去拼，為創造歷史去拼，仲有...為被低估去拼!
「多謝你低估我」
呢句說話，兩隊波同樣要講。
英格蘭一路走來，唔係都係靠呢句說話咩？
（網上圖片）
被譽為最冇期望嘅一隊國家隊，由驚佢出唔到線、過唔到哥倫比亞、甚至會輸畀瑞典...
現實卻一關過一關，破埋12碼魔咒，28年後再一次躋身4強，
面對連續兩場踢足120分鐘都係靠12碼晉級嘅東歐小國克羅地亞，
體力已經係一大優勢，所以國內外都吹奏住“it's coming home”，沒有期望一步步變成充滿期待。
唔止球迷，球員自身都被呢種“好似真係好有機會”嘅氣氛所薰陶，
你見麥佳亞叫鄰居幫手倒垃圾個Twitter 就知。
有自信係好事，但最怕變成自負。
當然我唔知道英格蘭球員落場個心態，但傳媒國民加起來嘅期望，就肯定成為呢班幼獅嘅壓力。
然後再加上一個夢幻開局，5分鐘由查比亞罰球破網，
將整個期望情緒變得更高漲!上半場英格蘭亦表現對辦，
入波後亦多次靠長波餵畀史達寧去哨收到好大效用，頭45分鐘英格蘭氣勢相當強大。
（網上圖片）
相反克羅地亞沉著應戰，下半場立即打返自己節奏，
多次迫到英軍要回傳畀碧福特大腳清波，做唔到攻勢。
直到被扳平，英軍更加慌張，完全踢唔到自己節奏，
中場更加冇辦法做波，仲爭啲短時間內被反笈，只係門柱幫手頂得住。
而最終，格仔軍全場18射7中及55%控球指數，成功係加時下半場反勝英格蘭。（網上圖片）
整個決賽週，除咗分組賽第三輪對比利時鬥爭次名賽事之外，
英軍都係先開紀錄兼未曾落後過，一直都係踢順境波，
如何對抗壓力係呢班幼獅成長最大嘅課題。
（網上圖片）
年輕活力係佢哋賣點，但今場的確畀兵疲嘅克羅地亞迫到做唔到波，
呢個係隊形同心理質素嘅問題，講到口臭都係咁講，
場上真係爭一個能壓場穩住軍心面對逆境嘅老大，但唔緊要，
吸收經驗，兩年後歐國盃或者就係收成期，因為英軍死球戰術的確令人眼前一亮。
（網上圖片）
Underdog 唔代表係弱隊，
“贏係驚喜輸係合理” 就係Underdog 最大嘅優勢!
冇包袱去踢，跟自己節奏、自己踢法，用自己最擅長家波去踢，就會係最好嘅發揮。
克羅地亞行到呢一步已經係歷史，繼續做 Underdog，決賽隨時創造奇蹟!
（網上圖片）
好多人都話克羅地亞贏在拼勁，冇錯!
為自己去拼，為國家去拼，為創造歷史去拼，仲有...為被低估去拼!
「多謝你低估我」
呢句說話，兩隊波同樣要講。
英格蘭一路走來，唔係都係靠呢句說話咩？
（網上圖片）
被譽為最冇期望嘅一隊國家隊，由驚佢出唔到線、過唔到哥倫比亞、甚至會輸畀瑞典...
現實卻一關過一關，破埋12碼魔咒，28年後再一次躋身4強，
面對連續兩場踢足120分鐘都係靠12碼晉級嘅東歐小國克羅地亞，
體力已經係一大優勢，所以國內外都吹奏住“it's coming home”，沒有期望一步步變成充滿期待。
唔止球迷，球員自身都被呢種“好似真係好有機會”嘅氣氛所薰陶，
你見麥佳亞叫鄰居幫手倒垃圾個Twitter 就知。
有自信係好事，但最怕變成自負。
當然我唔知道英格蘭球員落場個心態，但傳媒國民加起來嘅期望，就肯定成為呢班幼獅嘅壓力。
然後再加上一個夢幻開局，5分鐘由查比亞罰球破網，
將整個期望情緒變得更高漲!上半場英格蘭亦表現對辦，
入波後亦多次靠長波餵畀史達寧去哨收到好大效用，頭45分鐘英格蘭氣勢相當強大。
（網上圖片）
相反克羅地亞沉著應戰，下半場立即打返自己節奏，
多次迫到英軍要回傳畀碧福特大腳清波，做唔到攻勢。
直到被扳平，英軍更加慌張，完全踢唔到自己節奏，
中場更加冇辦法做波，仲爭啲短時間內被反笈，只係門柱幫手頂得住。
而最終，格仔軍全場18射7中及55%控球指數，成功係加時下半場反勝英格蘭。（網上圖片）
整個決賽週，除咗分組賽第三輪對比利時鬥爭次名賽事之外，
英軍都係先開紀錄兼未曾落後過，一直都係踢順境波，
如何對抗壓力係呢班幼獅成長最大嘅課題。
（網上圖片）
年輕活力係佢哋賣點，但今場的確畀兵疲嘅克羅地亞迫到做唔到波，
呢個係隊形同心理質素嘅問題，講到口臭都係咁講，
場上真係爭一個能壓場穩住軍心面對逆境嘅老大，但唔緊要，
吸收經驗，兩年後歐國盃或者就係收成期，因為英軍死球戰術的確令人眼前一亮。
（網上圖片）
Underdog 唔代表係弱隊，
“贏係驚喜輸係合理” 就係Underdog 最大嘅優勢!
冇包袱去踢，跟自己節奏、自己踢法，用自己最擅長家波去踢，就會係最好嘅發揮。
克羅地亞行到呢一步已經係歷史，繼續做 Underdog，決賽隨時創造奇蹟!
（網上圖片）