《shedates x EOS M6| EOS M5》Kickboxing 動態攝影美學工作坊

俾大家睇下我嘅英姿先，係咪好靚呢，我指張相影個個感覺好靚，唔係我個人好靚呀~

其實係上星期六，我出席左《shedates x EOS M6| EOS M5》Kickboxing 動態攝影美學工作坊，去左 銅鑼灣 Eliment Fitlax 學習 Kickboxing，利申一下，其實我自己一直都有學開 泰拳，所以當日就可以比較『放』咁去打~

至於呢張相，其實係用Canon 新出嘅 EOS M系 M6影嘅，當時我用 M MODE，較左快門，光圈後，我拍擋幫我以 1秒 9張嘅連續快拍輕鬆影出黎~
我唔講，你係咪以為用單反影架呢?


活動當日，大會邀請左體育攝影記者到場教授攝影嘅小 TIPS，以前佢採訪需要帶好多攝影器材，而家佢都愛上左 M6，因為只要加個鏡頭轉換器，就可以配合專業鏡頭使用，即係單反用開個D大鏡，咁大家就可以用番手上嘅鏡頭。
我自己有接觸過 Canon單反，但有左小朋友後，的確已經冇再帶大機出街，因為對於一個媽媽黎過，輕便，快捷真係好重要，SET 得機黎，小朋友已經跑走左~

EOS M6 相機以超高速1秒起動，仲有影小朋友最需要的『最高每秒 9張全畫質高速連拍』，而且 EOS M6 淨機身重量只有 343克，必要時單手都可以控制。

對追求質素的我，EOS M6 最大賣點是『雙像素 CMOS自動對焦』（DAF）技術，簡單 D講，就係以高質影像捕捉每個一瞬即逝的畫面，媽媽們，唔會再出現影 80張都冇張中喇~


呢張相，係我拎部 M6 上手，第一下影嘅，老老實實，以媽媽嘅心態，影小朋友最緊要清晰，就算環境昏暗，都要影到好光咁，攝影技術上唔係做唔到，係小朋友唔等你，你只有半秒時間拎起部機，另外半秒就要影。

係我隨手影而光線不足的環境下，效果都非常好，自動補光等等，Canon 一向冇失手，我係 Canon 忠粉，我一向鍾意 Canon 豐富的色彩，特別係影小朋友。


專業記者為各位 BLOGGERS 介紹完基本資料，同交流心得，Eliment Fitlax 教練即時為大家示範泰拳基本步。

兩位教練，拳拳認真，各位 BLOGGERS 學習之餘，都不忘為教練留倩影，我個人喜歡以不同角度欣賞，EOS M6 多角度電容觸控式螢幕，可以方便我以不同角度捕捉教練的神緒。


我地叫 FLIP MOON，即係可向上翻約180°及向下翻約45°，一般低炒高炒都睇到自己影緊咩，不成問題，以前我成日影我隻狗 小J，有左多角度螢幕，我會影得冇咁辛苦。


教練笑個時都好甜架，佢一笑，大家不停連拍~


打到熱，其中一位教練脫去上衣，大家已經差啲唔記得左今日活動的目的，大家不停咁影，短短幾分鐘，大家夾埋起碼影左幾千張，我都有百幾張 :)

EOS M6 可以好輕易影到相片內容好有層次，即使連續快拍都可以非常細膩。


呢 D 相片，係我係興奮心情的狀況下用 EOS M6 拍攝的~

大家慢慢欣賞~


教練示範完畢，到我上台跟教練學習，近日疏於練習泰拳，面對著高大的教練，上台第一刻的確很緊張。


當日，我沒有平時的水準，但 EOS M6 卻可以捕捉到我 KICK 的一刻，相機的高質彌補了我泰拳技術的短拙，張相影到好有『感覺』~~


教練話我太粗魯，建議我多跳繩，試試以溫柔的方便，打出自己的節奏，跳繩係我的弱處，說穿了，我的確是一直逃避練習跳繩。


M6 還有一個鎖定自動對焦功能，LOCK 住目標，即使目標快速移動，不但可以準確對焦，同時保留動態的感覺，你見到頭髮的擺動? 感覺到她的力?


除了跟教練 一對一學習，還有跟泰藉教練一齊學基本動作，大家都非常感興趣，我就係後面為大家紀錄呢一刻~


基本上，打完分半鐘，都真係會流汗的，我想紀錄低自己的汗水，FLIP MOON，SELFIE 無難度~


彷如廣告的照片效果，現場只係用左兩枝燈，就輕易可以捕捉，一部輕便 EOS M6 就可以做到。


台上要拍攝出咁震撼的動態感，台下大家都好努力學習~


我做任何事情都會投入，運動就更加百份百，因此忘記了顧及儀容，M6 的拍攝太真實~


我好喜歡我的頭髮係度擺動，我真係感覺到我跳起個一下，自己望返 D相，好清楚見到自己個動作有咩要改善~


活動當日好希望跟這位教練學習一下，可惜當日未有時間，見到大家都好努力，我都不忘將呢D時刻影低~


上完堂，我已經冇哂力，大家坐係地上休息同聽書，就係聽扎手帶嘅方法，泰拳扎手帶其實有好多方法，今次教嘅係著重保護拳頭手指骨的方法，我都學到新野~


講左咁耐，係咪好想見下 EOS M6?

M6 其實有 2個色，石墨黑、銀黑兩色機身選擇，我個人幾喜歡銀黑~

佢 FLIP MON 係各上反，SELFIE 拍片定影相都冇問題，TOUCH MON 嘛~


頭先一直未講， 就係佢有非常高質素的短片拍攝效果~

結合型動態穩定技術(Combination IS)，改進的防震技術，即使邊走邊拍短片仍能保持畫面穩定流暢，又係個句，影小朋友一定係追住影，防震好重要呀!

今次 M6有內置立體聲收音咪，仲支援 3.5mm立體聲麥克風輸入，各位 KOL 拍片收音冇難度啦~

至於大家以前好關心嘅無線連接，而家已經係基本要求啦，當然做到，藍牙支援系統 iOS / Android 版本，用 Canon APPS - Connect Station 連接，仲可以做 remote，順手改setting~

好喇，講價錢先，kit set: $6,880，不過，而家我讀者有優惠，可以用88折購買 ($6,100)，但要獨立問我拎 discount code，因為得10個quota，用哂就冇喇~

除左 88折，仲會送:

*『日本超人氣 HAPI ROLL家用炒雪糕鍋』及
*『eliment FitLax 免費一個月內任選 4堂體驗』
.

EOS M6數碼相機連EF-M 15-45mm f/3.5-6.3 IS STM鏡頭套裝:

-EOS M6 數碼輕便相機
-EF-M 15-45mm f/3.5-6.3 IS STM 鏡頭
-電池LP-E17-電池充電器LC-E17E
-相機帶 EM-300DB
-電源線


我都為追求知識的男讀者準備左以下資料，男生通常都係睇資料多~

http://www.canon.com.hk/tc/product/catalog/productItemDetails.do?domainID=10010&prrfnbr=201189